Kinakikiligan ng mga netizen ang apat na bagong representatives na uupo sa nalalapit na pormal at opisyal na pagbubukas ng 20th Congress.
Sa ulat ng Manila Bulletin, tinatawag na raw na "House Hotshots" ang apat na bagong mga kongresista na sina FPJ Panday Bayanihan Party-list Rep. Brian Poe, Batangas 6th district Rep. Ryan Recto, Tingog Party-list Rep. Andrew Julian Romualdez, at Negros Occidental 3rd district Rep. Javier Miguel "Javi" Benitez.
Sila raw ay tinawag na "House Hotshots" dahil bukod sa lahat sila ay maituturing na bagets sa bagong posisyon, sila rin ay pawang nag-aangkin daw ng kapogian at malakas na sex appeal.
Pero sa Facebook post ni Rep. Javi, higit pa sa good looks, patutunayan daw nilang karapat-dapat sila sa kanilang posisyon batay na rin sa botong nakuha mula sa taumbayan.
#BalitaExclusives: Anak na nilibre mga magulang niya sa abroad, hinangaan ng netizens
“'House Hotshots' daw kami... akala ko may boyband comeback," ani Benitez sa kaniyang post.
"It's just a few of us young lawmakers trying to serve with purpose."
"Grateful for the laughs and meaningful conversations. Beyond the nickname, we’re here to put in the work and make our mark in the 20th Congress."
"Let’s earn it with action, not hype."
"P.S. Yup, surprise din sa akin yung pangalan, 'not official,' but honored to be in good company," aniya pa.
