Ilang pribadong ospital sa bansa ang pansamantala munang hindi tatanggap ng “guarantee letters” mula sa mga pasyenteng inasistihan ng programa ng gobyerno na Medical Assistance for Indigent and Financially Incapacitated Patients (MAIFIP).
Ayon sa Private Hospitals Association of the Philippines Inc. (PHAPI), umabot na raw sa ₱530 million ang kabuuang hindi pa rin nababayaran ng gobyerno sa iba’t ibang ospital.
“We have not received the supposed MAIFIP processed guarantee letters for our hospitals in Batangas. We are temporarily suspending acceptance of GLs,” PHAPI president Dr. Jose Rene De Grano sa panayam ng media kamakailan.
Saad pa ni De Grano, “That is all government officials from senators, congressmen, party-list representatives, governor, mayor down to barangay chairmen. All guarantee letters will not be accepted.”
11 bangkay, narekober sa ‘search and rescue’ sa lumubog na MV Trisha Kerstin 3
Ayon sa PHAPI, pumalo naman sa 43 pribadong ospital sa Batangas ang hindi pa nababayaran, kabilang ang isang pagamutan doon kung saan lumobo na raw ang bayarin ng gobyerno ng ₱94 milyon.
Habang isinusulat ang artikulong ito ay wala pang inilalabas na pahayag ang Department of Health at ang Palasyo hinggil sa naturang isyu.
