Nilinaw ng Philippine National Police (PNP) na wala umano silang kinukuhang fitness instructor upang pangunahan ang weight loss program ng buong organisasyon.
Ayon sa ulat ng Philippine News Agency noong Linggo, Hunyo 22, nakasaad umano sa memorandum na inisyu noong Hunyo 21 na ang mga miyembro lang umano ng Police Community Affairs and Development Group (PCADG) ang bahagi ng physical fitness activity na pinasimulan nito at hindi kasali ang buong PNP.
“In this regard, PNP personnel are directed to refrain from sharing misleading content. The Chief PNP has not authorized any fitness instructor to primarily lead a weight loss program for the entire PNP,” saad sa nasabing memorandum.
Dagdag pa rito, “Social media officers should exercise caution in posting and sharing content to avoid spreading misinformation that may cause confusion.”
Sen. Bato at iba pa, 'di sumipot sa bicam conference committee meeting para sa 2026 nat’l budget
Matatandaang nilapitan ng PCADG ang social media personality at fitness coach na si Rendon Labador para sa “93-Day Weight Loss and Fitness Challenge.”
MAKI-BALITA: Mga pulis, may dapat bawasan para lumiit ang tiyan—Rendon Labador
KAUGNAY NA BALITA: Rendon Labador, papapayatin mga pulis na bochog at malalaki ang tiyan
Ito ay matapos ihayag ni PNP Chief Police General Nicolas Torre III na aalisin sa serbisyo ang mga matatabang pulis gayundin ang mga hindi marurunong gumamit ng baril.
KAUGNAY NA BALITA: Bagong utos ni Torre sa kapulisan: Bawal ang bochog, dapat sharp shooter!
