Pet food daw! BOC, nasamsam ang higit ₱5M-halaga ng 'party drugs'

By Nicole Therise Marcelo

June 17, 2025

In BALITA

Nasamsam ng Bureau of Customs (BOC) ang mahigit ₱5 milyong halaga ng "party drugs" na nakadeklara bilang pet food sa Port of Clark sa Pampanga.

Ayon sa BOC nitong Lunes, Hunyo 16, nasamsam ng awtoridad ang 3,004 piraso ng ecstasy tables, na kilala rin sa tawag na "party drugs," na nagkakahalagang ₱5126,350.00.

Ang naturang party drugs ay mula pa sa Paris, France at nakatakdang ideliver sa Taguig City.

Dagdag pa ng BOC, nakatanggap sila ng impormasyon mula sa Philippine Drug Enforcement Agency (PDEA) tungkol sa papasok na kargamento na dumating noong Hunyo 4.

Agad na nagsagawa ng K-9 sniff test ang BOC at operatiba ng PDEA na nagresulta sa pagkakasamsam ng party drugs.

Nakatago ang mga ecstasy tablet sa apat na transparent na pouch na nakalagay sa loob ng dog food pellets.

Samantala, isinumite ang mga sample sa PDEA para sa chemical analysis at nakumpirmang ito ay Methylenedioxymethamphetamine (MDMA), isang dangerous drug na nakatala sa ilalim ng Republic Act No. 9165.

Nag-isyu ng Warrant of Seizure and Detention ang BOC laban sa shipment dahil sa paglabag sa Section 118(g), Section 119(d), at Section 1113 paragraph (f), (i), at (l) ng Republic Act No. 10863, o ang Customs Modernization and Tariff Act (CMTA), kaugnay ng R.A. No. 9165.

Pulong Duterte, pinatutsadahan 1Sambayan; pinondohan daw ng 'tambangag'?

Pinatutsadahan ni Congressman Paolo 'Pulong' Duterte ang 1Sambayan dahil sa umano'y pagbibigay-babala sa mga bansang maaaring tumanggap kay dating Pangulong Rodrigo Duterte sakaling maaprubahan ang interm release nito. Kamakailan lamang kinumpirma ni Atty. Nicholas Kaufman na opisyal nang naghain ng interim release ang kampo ni dating Pangulong Duterte sa International Crime Court...

Balut Island, niyanig ng magnitude 5.2 na lindol

Niyanig ng magnitude 5.2 na lindol ang Balut Island nitong Martes ng tanghali, Hunyo 17.Sa tala ng Phivolcs, nangyari ang lindol bandang 2:25 p.m. sa Balut Island na matatagpuan sa Sarangani, Davao Occidental.May lalim itong 96 kilometro at tectonic naman ang pinagmulan.Samantala, walang inaasahang pinsala at aftetshocks matapos ang malakas na lindol.

Tabachoy na pulis, sisibakin ni Torre sa serbisyo 'pag di pumayat

Matatanggal daw sa serbisyo ang mga pulis na 'overweight' ayon kay Philippine National Police (PNP) Chief Police General Nicolas Torre III kung hindi raw sila magbabawas ng timbang sa loob ng isang taon.Iyan ang pahayag ni Torre sa isinagawang panayam sa kaniya ng Super Radyo DZBB, Martes, Hunyo 17.Ayon kay Torre, nakasaad naman daw ito sa Department of the Interior and Local Government...