VP Sara, pabor sa AI videos na sumusuporta sa mga personalidad

By Kate Garcia

June 16, 2025

In BALITA

Iginiit ni Vice President Sara Duterte na wala raw siyang nakikitang problema sa mga nagpapakalat ng mga Artificial Intelligence (AI) generated video na nagpapahayag ng pagsuporta sa mga personalidad.

Sa kaniyang press briefing nitong Lunes, Hunto 16, 2025, nilinaw ng Pangalawang Pangulo na wala umanong masama sa paggawa ng mga AI Videos bilang porma ng pagsuporta.

“If gagawa ako ng AI to support a certain personality, walang problema doon kasi hindi ko naman siya ginagawang negosyo, hindi ko naman siya binebenta sa mga tao,” anang Pangalawang Pangulo.

Iyan ang naging tugon ni VP Sara matapos maging usap-usapan sa social media ang pagshe-share ni Sen. Ronald “Bato” Dela Rosa patungkol sa isang AI video na naglalaman ng umano’y panayam ng media sa mga estudyante na hindi raw pabor sa impeachment ni VP Sara.

“Mabuti pa ang mga bata nakakaintindi sa mga pangyayari. Makinig kayo mga yellow at mga komunista!” ani Dela Rosa sa caption.

KAUGNAY NA BALITA: Sen. Bato, ‘kumagat sa AI video’ ng mga estudyanteng ayaw sa impeachment ni VP Sara

Hinggil naman pa rin sa isyu ng mga AI videos, binengga ng Palasyo si Dela Rosa dahil sa tahasan niyang pagpapakalat ng fake news bilang isang mataas na opisyal ng gobyerno.

“Ang pagshe-share ng katulad ng ganiyan—muli, disinformation, fake news, hindi po sana nanggagaling sa mga opisyal ng pamahalaan,” ani Palace Press Undersecretary Claire Castro.

KAUGNAY NA BALITA: Usec. Castro, binoldyak si Sen. Bato dahil sa AI-generated video: ‘Nakakawalang tiwala!’

Romualdez, kinondena tensyon sa Middle East; seguridad ng mga Pinoy, pinatututukan

Nanawagan si House Speaker Martin Romualdez sa international community maging sa ahensya ng pamahalaan tungkol sa lumalalang sigalot sa Middle East.Sa kaniyang pahayag nitong Lunes, Hunyo 6, 2025, nangalampag si Romualdez sa Department of Foreign Affairs (DFA) at Department of Migrant Workers (DMW) na patuloy na makipag-ugnayan sa pamahalaan ng Lebanon, Israel at Jordan para sa mga Pilipinong...

Conti, bumwelta sa pahayag na 'powerless' na si FPRRD: 'Lokohin mo lelang mo!'

Nagbigay ng tugon si human rights lawyer Atty. Kristina Conti sa pahayag na powerless na umano si dating Pangulong Rodrigo Duterte para sa pansamantala nitong paglaya sa International Criminal Court (ICC).MAKI-BALITA: FPRRD, humiling na ng interim release; may bet ng puntahan na bansaSa programa nina Ted Failon at DJ Chacha nitong Lunes, Hunyo 16, inihayag ni Conti ang hindi niya pagsang-ayon sa...

Pangalan ni Remulla, nadawit sa pekeng dokumento

Naglabas ng pahayag ang Department of the Interior and Local Government (DILG) kaugnay sa pagkakadawit ng pangalan at pirma ni DILG Secretary Jonvic Remulla sa isang pekeng dokumento. Sa isang Facebook post ng DILG nitong Lunes, Hunyo 16, sinasabi umano sa dokumento na awtorisado ng ahensya ang isang procurement contract na nagkakahalaga ng ₱600 million para sa isang construction...