VP Sara nanindigang ‘magpinsan’ sina Usec. Castro at Rep. Castro

By Kate Garcia

June 15, 2025

In BALITA

Bumwelta si Vice President Sara Duterte sa naging pahayag ni Palace Press Undersecretary Claire Castro hinggil umano’y naggagamitan lang sila ni Sen. Imee Marcos sa nakaambang “Sara-Imee” sa 2028 Elections.

Sa panayam ng media kay VP Sara noong Sabado, Hunyo 14, 2025, iginiit niyang wala na raw magandang lalabas sa bibig ni Usec. Castro dahil pinsan daw siya ni ACT Teachers Party-list Rep. France Castro, na kilalang kritiko ng gobyerno.

“Si Claire Castro na naman ba ito? ‘Di ba sinabi ko na sa’yo, si Claire Castro, pinsan ni France Castro. ‘Pag Castro family, dalawa lang naman ‘yan sa pamilya na ‘yan. Claire Castro at France Castro, wala na talagang maganda at tama diyan na lalabas sa bibig nila,” ani VP Sara.

Dagdag pa niya, “Sabi ko nga, garbage in, garbage out pagdating diyan sa dalawang Castro na ‘yan.”

Binigyang-diin ni VP Sara ang naturang pahayag bilang sagot aniya sa tugon ng Palasyo matapos umugong ang tambalang Sara-Imee sa pagka-Presidente at Bise Presidente sa 2028.

“Isang tao na manggagamit at isang tao na willing magpagamit,” saad ni Usec. Castro sa kaniyang press briefing noong Hunyo 13.

Samantala, matatandaang minsan nang nilinaw ni Usec. Castro na wala raw siyang kaugnayan kay Rep. Castro, taliwas sa umano’y kasinungalingang ipinapakalat ng Bise Presidente.

“Nilinaw ko na po 'yan minsan at alam n'yo po 'yan, ang patungkol sa nasabing relasyon namin ni Representative France Castro. Sinabi ko po na kami po ay hindi magkamag-anak, magkapareho lang po siguro ng surname,” ani Usec. Castro.

KAUGNAY NA BALITA: Usec. Castro, ‘di ikakahiya kung magkamag-anak sila ni France Castro: ‘Siya ay makatao!’

ALAMIN: Saan puwedeng humingi ng tulong ang OFWs sa Iran, Israel?

Nagbaba ng abiso ang Department of Migrant Workers (DMW) para matulungan ang mga Overseas Filipino Worker (OFW) na naiipit sa tumitinding tensyon sa Middle East.Matatandaang naglunsad ang Israel ng malawakang pag-atake sa Iran noong Biyernes, Hunyo 13, na pinangangambahang maging mitsa ng mapanganib na digmaan sa rehiyon.Sa latest Facebook post ng DMW noong Sabado, Hunyo 14, inisa-isa nila ang mga...

Lalaking nagpunta sa India para sa abo ng pumanaw na misis, kasama sa plane crash; 2 anak, naulila!

Dalawang batang magkapatid ang naulila matapos makasama ang kanilang ama sa mga pasaherong nasawi sa pagbagsak ng Air India plane noong Hunyo 12, 2025.Ayon sa ulat ng ilang international media outlets, kinilala ang biktima na si Arjun Patoliya na pumunta lamang sa India upang tuparin ang hiling ng kaniyang namayapang asawa na isaboy ang abo nito sa isang lugar sa India. Ilang linggo matapos...

DSWD, ‘to the rescue' sa viral PWD na kinuyog sa EDSA carousel

Binisita na ng Department of Social Welfare and Development (DSWD) ang viral na lalaking may kapansanan sa pag-iisip na kinuyog sa EDSA carousel.Ayon sa ulat ng Manila Bulletin nitong Linggo, Hunyo 15, 2025, binisita ng Crisis Intervention Unit of the DSWD-Central Office ang kinaroroonan ng biktima noong Sabado, Hunyo 14 sa San Jose Del Monte, Bulacan upang alamin ang tulong na maaari nilang...