Nanindigan ang kompanyang G.V Flordida na wala umanong nilabag na batas-trapiko ang anim nilang bus units na nag-viral kamakailan matapos makuhanang nagkakarera sa kahabaan ng Maharlika highway sa Isabela.
KAUGNAY NA BALITA: 'Amazing race?' 15 bus ng isang bus company, suspendido dahil sa 'karera'
Ayon sa tatlong pahinang paliwanagisinumite ng G.V Florida sa Land Transportation Office (LTO), iginiit nilang edited lamang daw ang naturang viral video na naka-fast forward lang umano upang magmukhang nagkakarera ang kanilang mga unit.
"Technically literate interpreters label the video accordingly uploaded by certain Carlo Carbonel, which has gone viral, allegedly regarding six G.V Florida Bus units travelling northbound and were at the vicinity of Maharlika highway, Cordon, Isabela in “fast-paced”, “fast-forward” or “speed-up” mode. In simple term, it made the bus units appear running much faster than their real speed. Unfortunately, many had viewed the video as real as it is," saad ng paliwanag ng nasabing bus company.
ALAMIN: Saan puwedeng humingi ng tulong ang OFWs sa Iran, Israel?
Paglilinaw pa ng G.V Florida, hindi raw nagkakarera ang kanilang mga bus dahil naka-convoy lang daw ang mga ito sa isa't isa.
"They were not racing against each other. Circumstances as such is not allowed, tolerated or condoned by the respondent PUB operator. Travelelling at nighttime, however, provides so many benefits and/or advantages as drivers do it akin to a convoy," anang bus company.
Samantala, sinagot naman ni LTO Chief Vigor Mendoza II, na hindi raw ang umano'y karera ng mga unit ng G.V Florida ang kanilang sinita kung kaya't nagpatawag sila ng show cause order.
"Sheer denial of the fact that tumatakbo sila nang mabilis... hindi naman hindi naman natin kinukuwestiyon yung bilis, ang kinukuwestiyon natin yung pag-ikot…nakita naman natin yung kaliwa’t kanan na pagtakbo nila. It's not the speed that we are questioning, it's the manner in which they’re driving," ani Mendoza.
Tanging tatlong pangalan lang daw ang ibinigay ng G.V Florida sa LTO, mula sa anim na driver na sangkot sa naturang insidente.
Kaya naman tugon ng LTO, "If Florida refuses to cooperate, we will be forced to impound their vehicles."
