‘Guilty na, pinagmulta pa?’ Cebu Gov. Gwen Garcia, ‘bingo’ sa Ombudsman!

By Kate Garcia

June 13, 2025

In BALITA

Pinatawan ng guilty of indirect contempt si outgoing Cebu Governor Gwendolyn Garcia matapos siyang hindi bumaba sa puwesto noong siya ay sinuspinde ng Ombudsman.

Bukod sa pagiging guilty, pinagmumulta rin ng Ombudsman si Garcia ng tinatayang ₱30,000 matapos ang hindi niya pagsunod sa ipinataw sa kaniyang preventive suspension order noong Abril 23, 2025.

“Wherefore, for defying the Preventive Suspension Order dated 23 April 2025, the Ombudsman finds respondent Governor Gwendolyn F. Garcia GUILTY of INDIRECT CONTEMPT, and hereby imposed a FINE of Thirty Thousand Pesos (P30,000), payable to the Office of the Ombudsman,” anang desisyon ng Ombudman.

Nag-ugat ang suspensyon ni Garcia matapos niyang bigyan ng permit ang Shalom Construction Inc. noong Mayo 14, 2024 na wala umanong Environmental Compliance Certificate (ECC) mula sa Department of Environmental and Natural Resources (DENR).

Matatandaang noong Mayo 15, nang maghain ng temporary restraining order (TRO) si Garcia laban sa kaniyang suspensyon na siya namang pinayagan ng Court of Appeals. Habang noong Mayo 19 naman nang isyuhan siya ng Ombudsman ng show cause order upang pagpaliwanagin siya sa hindi niya raw pagbaba sa puwesto.

Sa kabila ng aprubadong TRO ni Garcia noong Mayo 15, nanindigan ang Ombudsman na ito ay hindi retroactive o hindi epektibo pabalik sa mga araw na siya ay idineklarang suspendido mula Abril 29 hanggang Mayo 14.

Samantala, sa hiwalay na pahayag ni Garcia nitong Biyernes, Hunyo 13, kinuwestiyon niya ang naturang hatol ng Ombudsman at iginiit ang kaniyang aprubadong TRO—dahilan ng hindi niya pagbaba sa puwesto.

“By citing me for indirect contempt, is Ombudsman Martires insisting now that he does not respect the Temporary Restraining Order issued by the Court of Appeals?” ani Garcia.

Nasawi sa Air India nasa 270 na; pagkilala sa bangkay ng mga biktima, nagpapatuloy!

Patuloy ang search and recovery operations sa lugar na pinagbagsakan ng Air India plane noong Hunyo 12, 2025 kung saan patuloy pa umanong tumaas ang bilang ng mga marerekober pang bangkay.KAUGNAY NA BALITA: Higit 200 pasahero sa nag-crash na Air India plane, patay; isa, nakaligtas!Ayon sa ulat ng AP News nitong Sabado, Hunyo 14, pumalo na sa 270 ang bilang ng mga nasawi kung saan 241 sa mga ito...

Pangalan ni Mayor Joy Belmonte, ginagamit sa panggagantso

Patuloy pa rin ang mga masasamang-loob sa paggamit ng pangalan ni Quezon City Mayor Joy Belmonte para makagawa ng pekeng social media account at makapangloko ng kapuwa.Kaya sa latest Facebook post ng mayora nitong Sabado, Hunyo 14, inabisuhan niya ang publiko—partikular ang kaniyang mga nasasakupan—kaugnay sa natatangi at opisyal niyang Facebook account na kasalukuyang may 267K likes at 298K...

Rowena Guanzon binarda si Princess Abante: 'Nag-explain ka pa beh'

Binarda ni dating Comelec Commissioner Rowena Guanzon si House Spokesperson Atty. Princess Abante sa pagdepensa nito sa mga paayuda ni House Speaker Martin Romualdez sa mga mahihirap na Pilipino.'Nag-explain ka pa beh, yung boss amo mo ay pinagsamang tambaloslos na kawatan,' patutsada ni Guanzon sa kaniyang Facebook post noong Biyernes, Hunyo 13.Matatandaang sa video statement na...