Torre nagsalita matapos ihalintulad ni Remulla sa pitbull, bulldog

By Ralph Mendoza

June 11, 2025

In BALITA

Nagbigay ng reaksiyon si Philippine National Police (PNP) Chief Gen. Nicolas Torre III kaugnay sa paghahalintulad sa kaniya ni Department of Interior and Local Government (DILG) Secretary Jonvic Remulla sa dalawang breed ng aso.

Matatandaang sa isang panayam kay Remulla noong Mayo ay sinabi nitong dapat umanong katakutan si Torre dahil isang bulldog at pitbull ang huli.

“He’s a bulldog, a pitbull. Everyone should be afraid. When you tell General Torre to attack, he attacks,” saad ni Remulla.

Kaya sa latest episode ng “Morning Matters” nitong Miyerkules, Hunyo 11, hindi naiwasan hingin ni TV5 news anchor Gretchen Ho ang reaksyon ng bagong chief PNP.

“Hindi ko maintindihan kung ako ay pinupuri ni Sir Jonvic or inaasar niya ako dyan,” natatawang sabi ni Torre.

“But, you know, ano ba ang sinasabi ng code of professionalism ‘di ba?” pagpapatuloy niya. “Ang code of professionalism, mimememorya ‘yan sa kadeta. ‘Men who take up the profession of arms on their own free will submit themselves to a law of perpetual constraints.’”

Dagdag pa ng chief PNP, “As long as you are in this organization, ito ang guidelines…you took the oath. The same matter with you. You sign the contract, doon ka iikot sa trabahong ‘yon, sa sinumpaang ‘yon.”

Si Torre ang ipinalit sa nabakanteng posisyon ni PNP Chief Rommel Marbil at kasalukuyang ikaapat na hepe ng PNP sa ilalim ng administrasyon ni Pangulong Ferdinand “Bongbong” Marcos, Jr.

MAKI-BALITA: Torre, nakatakda maging ikaapat na hepe sa ilalim ng PBBM admin

Mga pulis na ‘di marunong gumamit ng baril, tatamaan kay Torre!

Inihayag ni Philippine National Police (PNP) Chief Nicolas Torre III na may katapat ang mga pulis na sasablay umano sa firearms proficiency at marksmanship.Sa panayam ng media kay Torre noong Biyernes, Hunyo 11, 2025, iginiit niyang mas magiging mahigpit daw ang kaniyang pamumuno sa kapulisan mula sa mga komandante hanggang sa mga officers.'Hindi lang sa promotion, pati sa positioning. Kapag...

‘Makakahabol pa!’ Taiwan, mas pinahaba 'visa-free entry' para sa mga Pinoy hanggang 2026

Inihayag ng Taiwan Minister of Foreign Affairs na mas pinalawig pa nila 'visa-free' entitlement para sa mga Pilipinong turista hanggang 2026.Ayon sa talumpati ni Taiwan Minister of Foreign Affairs Lin Chia-lung noong Biyernes, Hunyo 13, parte ang naturang visa-free extension sa pagpapatibay pa ng relasyon ng kanilang bansa sa Pilipinas.'To continue to deepen bilateral ties between...

Driver at konduktor ng bus kung saan kinuyog ang ‘nangagat’ na pasaherong PWD, bumengga sa DOTr!

Kinondena ng Department of Transportation (DOTr) ang sinapit ng isang lalaking may kapansanan sa pag-iisip matapos siyang pagtulungang bugbugin sa loob ng EDSA carousel.Ayon sa mga ulat, kinagat ng biktima ang isang pasaherong nagse-cellphone na may malakas na tunog. Dito na raw nagsimulang magkaroon ng tensyon sa loob ng ng bus dahilan upang kuyugin siya ng kapwa mga pasahero sa likurang bahagi...