Home

BALITA

'Pwersahan na!' Senate Minority, pauumpisahan opening rites ng impeachment ngayong araw

June 09, 2025

Photo courtesy: Senate of the Philippines

'Pwersahan na!' Senate Minority, pauumpisahan opening rites ng impeachment ngayong araw

By Kate Garcia

June 09, 2025

In BALITA

Inihayag ni Senator Risa Hontiveros na pauumpisahan na ng Senate minority ang opening rites ng impeachment laban kay Vice President Sara Duterte, ngayong Lunes, Hunyo 9, 2025.

Ayon kay Hontiveros, ipakikiusap nila ni Senate Minority leader Koko Pimentel, ang panunumpa ni Senate President Chiz Escudero bilang presiding officer at gayon na rin ang panunumpa ng mga senador bilang Senator Judges.

"Senate Minority Leader Aquilino Pimentel III and I will move to allow Senate President Francis Escudero to take his oath as the presiding officer of the impeachment court, and to administer the prescribed oath to all members of the Senate as judges of the impeachment court," ani Hontiveros.

Kasama rin sa kanilang ihahahain ang pagbubukas daw ng Senado bilang impeachment court.

"We will also move for the Senate to convene as an impeachment court, and for the Articles of Impeachment-received from the House of Representatives back in February," aniya.

Paglilinaw niya, hindi pa raw ito ang mismong impeachment trial bagkus ay opening rites pa lamang.

"Wala pa tayo sa trial proper. Opening rites pa lamang. Panunumpa at pormalidad. Hindi ito aabutin ng isang oras," anang senadora.

Matatandaang sa Hunyo 11 pa ang orihinal na nakatakdang araw upang mag-convene ang Senado bilang impeachment court kung saan babasahin ang articles of impeachment laban kay VP Sara.

KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara

Giit ni Hontiveros, hindi raw malaking kabawasan sa oras ng Senado ang pagpapabukas nila ng opening rites ng impeachment ngayong Lunes.

Higit 200 pasahero sa nag-crash na Air India plane, patay; isa, nakaligtas!

Patay ang halos lahat ng sakay na pasahero ng bumagsak na Air India plane sa Ahmedabad, Huwebes, Hunyo 12.Sa ulat ng international media outlets, patungong Gatwick Airport sa London ang eroplano subalit ilang minuto lamang ay nag-take off ito at bumagsak sa isang residential area sa western city of Ahmedabad.Itinuturing umano itong 'world's worst aviation disaster in a...

VP Sara 'hostage' si Sen. Imee, kailangang ibalik sa Pinas si FPRRD

May biro si Vice President Sara Duterte patungkol kay Sen. Imee Marcos, na kasama niyang dumalo sa pagdiriwang ng ika-127 anibersaryo ng Araw ng Kalayaan, sa piling ng mga OFW sa Kuala Lumpur, Malaysia.Sa talumpati ni VP Sara, pabiro niyang sinabing kaya lagi niyang kasama si Sen. Imee ay dahil 'hostage' niya ito at kailangang ibalik sa Pilipinas si dating Pangulong Rodrigo Duterte na...

Dalawang paslit sa Leyte, pinagtataga ng step-father, patay; nanay, kritikal!

Dead on arrival ang dalawang batang magkapatid matapos pagtatagain ng kanilang amain sa Albuera, Leyte.Ayon sa mga ulat, selos umano ang pinag-ugatan ng pananaga ng suspek matapos silang magtalo ng ina ng mga biktima. Sa labas ng bahay natagpuan ang walang buhay na katawan ng pitong taong gulang na bata habang nasa loob naman ng bahay ang kapatid niyang apat na taong gulang.Habang nananatili pa...