VP Sara 'di bet si Torre maging PNP Chief: 'Medyo sketchy yung decision!'

By Kate Garcia

June 04, 2025

In BALITA

Nagkomento si Vice President Sara Duterte hinggil sa pagkakaluklok ni Gen. Nicolas Torre III bilang bagong hepe ng Philippine National Police (PNP).

Sa panayam ng media kay VP Sara sa The Hague, Netherlands noong Martes, Hunyo 3, 2025, inungkat niya ang umano’y nakabinbing kaso raw ni Torre mula sa naging imbestigasyon sa Senado.

“May recent findings ang Senate of violations of law of this police officer. So bakit mo naman gagawin chief of police? Masyadong sketchy yung decision,” anang Pangalawang Pangulo.

Matatandaang kasama si Torre sa mga sinampahan ng kaso ni Sen. Imee Marcos matapos ang kaniyang naging imbestigasyon sa Senado hinggil sa umano’y ilegal na pag-aresto kay dating Pangulong Rodrigo Duterte.

KAUGNAY NA BALITA: Ombudsman, inatasan 5 gov’t officials na sagutin reklamo ni Sen. Imee ukol sa pag-aresto kay FPRRD

Si Torre ang sumalo sa binakanteng posisyon ni dating PNP Chief Rommel Marbil matapos ang kumpirmasyon ni Executive Secretary Lucas Bersamin dahil sa nakatakda nitong pagreretiro sa Hunyo 7.

KAUGNAY NA BALITA: Torre, nakatakda maging ikaapat na hepe sa ilalim ng PBBM admin

Bukod sa naging pag-aresto kay Duterte, nauna na ring naging matunog ang pangalan ni Marbil matapos naman ang kaniyang naging pag-aresto kay Kingdom of Jesus Christ (KOJC) lider Apollo Quiboloy.

BASAHIN: PBBM, may ilang hamon kay Torre bilang bagong PNP Chief

CEAP, iginiit pagpapanatili ng Ethics sa college curriculum

Nanindigan ang Catholic Educational Association of the Philippines (CEAP) sa pagpapanatili ng Ethics sa college curriculum.Sa pahayag ng CEAP nitong Biyernes, Hunyo 6, sinabi nilang hindi opsyonal kundi esensyal na bahagi ng kurikulum sa kolehiyo ang Ethics.“The Catholic Educational Association of the Philippines is resolute in its stand that Ethics should remain an essential part of the college...

Pagbuwag sa SHS, nasa kamay ng Kongreso —Angara

Naghayag ng reaksiyon si Department of Education (DepEd) Secretary Sonny Angara kaugnay sa napipintong pagkalusaw ng senior high school bilang bahagi ng basic education.Ito ay matapos maghain ni Senador Jinggoy Estrada ng Senate Bill No. 3001 na nagpapanukala ng pag-amyenda sa RA 10533.MAKI-BALITA: Sen. Jinggoy Estrada, ipu-push na mabaklas ang SHS sa K-12Sa pahayag ni Angara nitong Biyernes,...

Reso ni Bato para ibasura paglilitis kay VP Sara, ‘walang sense’ —Lacson

Nagbigay ng pahayag si Senator-elect Panfilo “Ping” Lacson kaugnay sa resolusyon ni Senador Ronald “Bato” Dela Rosa na magbabasura sa impeachment trial laban kay Vice President Sara Duterte.Sa isang pahayag nitong Biyernes, Hunyo 6, sinabi ni Lacson na hindi umano siya sang-ayon sa draft ng nasabing resolution ni Dela Rosa.'There is no sense in the draft resolution calling for the de...