Dismayado si Congresswoman-elect Leila de Lima sa mga naging pahayag daw ni Senate President Chiz Escudero nitong Lunes, Hunyo 2, 2025, hinggil sa nakabinbing impeachment trial kay Vice President Sara Duterte.
Sa panayam ng media kay De Lima nitong Lunes, tahasan niyang iginiit ang nais daw niyang marinig mula sa Pangulo ng Senado.
“I was expecting more,” ani De Lima.
“Akala ko aalisin na n’ya yung mga agam-agam tungkol diyan [sa impeachment]. Magkakaroon pa ba ng trial or hindi?” aniya.
Orange warning, itinaas sa Metro Manila, mga kalapit na lugar
Ipinaliwanag niya rin ang sana raw ay tindig na dapat daw ay ipinakita ni Escudero hinggil sa naturang isyu.
“He could have been more categorical… Basta kami, insofar sa Senate is concerned, itutuloy namin ito kasi ito ay mandato namin, ito ay utos ng saligang batas. I was expecting the kind of a stance sa kaniya earlier, but it was not,” anang dating senadora.
Dagdag pa niya, “Ano pa rin? Medyo iffy pa rin, right? Kasi hindi pa rin nakakasiguro.”
Samantala, kaugnay naman ng nasabing presscon ni Escudero, nilinaw naman niyang wala raw ibang nagdikta sa kaniya hinggil sa pagpapaliban ng pagbasa ng articles of impeachment laban kay VP Sara.
“I don’t see the connection whatsoever. No…It has nothing to do, especially given the fact that the 20th Congress will have a totally different composition,” saad ni Escudero.
KAUGNAY NA BALITA: Romualdez, PBBM, 'di inutos pagpapaliban sa pagbasa ng articles of impeachment ni VP Sara—Escudero
Matatandaang ipinagpaliban ni Escudero mula sa orihinal na araw ng Hunyo 2 ang nasabing pagbasa sa articles of impeachment ni VP Sara sa darating na Hunyo 11.
KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara
