Umalma si outgoing Senator Koko Pimentel sa pagbabago ng schedule ng impeachment ni Vice President Sara Duterte na inilabas ni Senate President Chiz Escudero.

Para kay Pimentel, nakakapagtaka raw ang biglaang pagbabago ng schedule na inilabas ni Escudero, gayung noong nakaraang buwan pa raw ito kasado.

“We have to ask SP his thought processes and how come he is now changing his own ‘impeachment calendar’ issued months ago,” saad ni Pimentel.

Ayon pa kay Pimentel ang Kongreso raw ang dapat magbigay-daan sa impeachment trial dahil ito ang nakasaad umano sa batas.

National

Orange warning, itinaas sa Metro Manila, mga kalapit na lugar

“Meron kasi section or provision in our impeachment rules that gives the directive, that should there be both legislative and impeachment matters, the legislative agenda should give way to the impeachment proceedings,” anang senador.

Matatandaang noong Huwebes, Mayo 29, 2025, nang ibaba ni Escudero na ililipat na sa Hunyo 11 ang pagbabasa ng articles of impeachment na dapat sana’y sa Hunyo 2 gagawin. Ayon sa Pangulo ng Senado, uunahin daw muna ang huling legislative agenda ng 19th Congress kung saan iakakasa at aamyendahan ang ilang batas.

KAUGNAY NA BALITA: Senado, iniurong sa June 11 ang pagbabasa ng articles of impeachment vs VP Sara

BASAHIN: Impeachment ni VP Sara, 'dead on arrival' daw sa Senado? De Lima, pumalag!