Palasyo, pumalag sa paninisi ni Kaufman kay PBBM: 'He doesn't know the facts!'

By Kate Garcia

May 30, 2025

In BALITA

Dumipensa ang Malacañang sa naging pahayag ng legal counsel ni dating Pangulong Rodrigo Duterte na si Atty. Nicholas Kaufman matapos niyang sisihin si Pangulong Ferdinand “Bongbong” Marcos, Jr. na nasa likod umano ng pagpapaaresto sa kaniyang kliyente.

Sa kaniyang press briefing nitong Biyernes, Mayo 30, 2025, iginiit ni Palace Press Undersecretary Claire Castro na marahil ay napapalibutan umano ng “fake news peddlers” si Kaufman.

“It is very apparent and very obvious that Atty. Kaufman is surrounded by fake news peddlers,” saad ni Castro.

Dagdag pa niya, “He doesn't know the timeline, he doesn't know the facts of the case. He should be concentrating on his job as a counsel, not in engaging in rumor-mongering.”

Matatandaang kamakailan lang nang idiin ni Kaufman na si PBBM bilang pasimuno raw ng naging pag-aresto kay dating Pangulong Duterte at saka isinuko sa kustodiya ng International Criminal Court (ICC).

“The real prosecutor in this case is actually in Manila, sitting in his Palace. He's the person who threw [former]President Duterte over here to The Hague,” saad ni Kaufman sa panayam sa kaniya ng media sa The Hague.

KAUGNAY NA BALITA: Kaufman, isinisi kay PBBM pagkakadetine ni FPRRD sa ICC

Matatandaang noong Marso 11 nang maaresto si dating Pangulong Duterte matapos magbaba ng arrest warrant ang ICC kaugnay ng reklamong "crimes against humanity" hinggil sa kaniyang naging madugong kampanya kontra droga.

KAUGNAY NA BALITA: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD

PNP, makikipag-ugnayan sa CHR sa mga ikakasang pag-aresto

Nasa plano na umano ng Philippine National Police (PNP) na makipag-ugnayan sa Commission on Human Rights (CHR) hinggil sa kanilang ikakasang mga operasyon.Ayon kay PNP Spokesperson Police Brigadier General Jean Fajardo, inihayag niyang nakahanda na raw silang magtungo sa tanggapan ng CHR upang ipaliwanag ang direktiba ni PNP Chief Nicolas Torre na “paramihan ng mahuhuling kriminal.”“Dati...

Bilang ng enrollees sa paparating na pasukan, lolobo ng 27 milyon!—DepEd

Kinumpirma ng Department of Education (DepEd) na papalo sa 27 milyon ang enrollees mula preschool hanggang senior high school para sa School Year 2025 hanggang 2026.Sa panayam ng Super Radyo dzBB kay DepEd Assistant Secretary Jocelyn Andaya noong Sabado, Hunyo 7, 2025, tinatayang nasa daang libong mga bagong classrooms na raw ang kanilang naipatayo upang matugunan ang bilang ng mga...

50% ng mga Pilipino, aminadong naghihirap pa rin—SWS

Inihayag sa pinakabagong datos ng Social Weather Station (SWS) na nasa 50% ng mga Pilipino sa buong bansa ang nagsasabing mahirap pa rin sila.Ginawa ang naturang survey mula Abril 23 hanggang 28, 2025, kung saan mas mababa ito ng 5% kumpara sa nauna nilang datos noong Abril 11 hanggang 15 na nasa 55%. Ayon sa SWS, nagmula ang nasabing pagbaba ng 5% mula sa Metro Manila at Mindanao.Samantala,...