Driver ng SUV na bumangga at kumitil sa 11 katao sa Canada, kinasuhan ng murder

By Kate Garcia

April 28, 2025

In BALITA

Tuluyang sinampahan ng Canadian prosecutors ng murder ang 30 taong gulang na driver ng SUV na sumagasa at pumatay sa tinatayang 11 katao sa isang Filipino festival sa Vancouver, Canada noong Sabado, Abril 26, 2025 (araw sa Canada).

KAUGNAY NA BALITA: Festival ng mga Pinoy sa Vancouver, inararo ng sasakyan; ilang katao, patay!

Ayon sa mga ulat, kasalukuyang nahaharap ang suspek sa eight counts of second degree murder at sinasabing posible pa umano itong madagdagan habang gumugulong ang imbestigasyon.

Noong Linggo, Abril 27, ilang oras matapos ang aksidente, nasakote ng pulisya ang suspek.

Samantala, tinatayang nasa 11 umano ang bilang ng nasawi sa nasabing aksidente, kung saan pawang mga nasa edad 5 hanggang 65 ang mga ito habang hindi naman daw bababa sa 20 ang mga sugatan.

Ayon pa sa mga ulat, ilang indibidwal pa raw ang nananatiling nasa kritikal na kondisyon.

Nagpaabot na rin ng simpatya ang Philippine Consulate General in Vancouver na patuloy umano ang pakikipag-ugnayan sa pamahalaan ng Vancouver kung mga mga Pinoy na nadamay sa aksidente.

KAUGNAY NA BALITA: PH Consulate sa Vancouver, ikinabahala ang nangyaring aksidente sa Filipino festival

Trust, approval rating ni PBBM, bumaba; tumaas naman kay VP Sara – OCTA

Bumaba ang parehong trust at approval rating ni Pangulong Ferdinand “Bongbong” Marcos Jr. habang parehong tumaas naman ang kay Vice Presidente Sara Duterte, ayon sa survey ng Octa Research na inilabas nitong Martes, Abril 29.Batay sa noncommissioned “Tugon ng Masa” survey ng OCTA nitong Abril, 60% ng mga Pilipino ang nagtitiwala kay Marcos, kung saan limang puntos na mas mababa ito kumpara...

Rita Avila, nagpaalala: 'Huwag na po tayong masilaw sa ayuda'

Nagbigay ng paalala sa nalalapit na 2025 midterm elections ang aktres na si Rita Avila hinggil sa pagtanggap ng ayuda o pera.Sa isang Facebook post ni Rita noong Lunes, Abril 28, panandaliang tulong lang umano ang ayuda at hindi naman paninindigan.“Huwag na po tayong MASILAW sa AYUDA o PERA. Panandaliang tulong lang sa atin na di naman nila paninindigan. Di pa ba natin napapansin?” saad ni...

Chinese na may dala umanong ‘spy equipment,’ inaresto ng NBI malapit sa Comelec

Isang Chinese national na may dala umanong “spy equipment” ang inaresto ng National Bureau of Investigation (NBI) malapit sa tanggapan ng Commission on Elections (Comelec) sa Intramuros, Maynila nitong Martes, Abril 29.Narekober ng NBI sa sasakyan na inupahan ng nasabing Chinese national ang equipment na International Mobile Subscriber Identity na hinihinalang ginagawang instrumento upang...