15 pagyanig, naitala sa Bulkang Kanlaon — Phivolcs

By Mary Joy Salcedo

April 13, 2025

In BALITA National

Nakapagtala ang Bulkang Kanlaon sa Negros Island ng 15 volcanic earthquakes sa nakalipas na 24 oras, ayon sa Philippine Institute of Volcanology and Seismology (Phivolcs) nitong Linggo, Abril 13.

Base sa 24 oras na pagmamanman ng Phivolcs, nananatiling mataas ang aktibidad ng Kanlaon na nakataas pa rin sa Alert Level 3 (magmatic unrest).

Naglabas ang bulkan ng 1,633 tonelada ng sulfur dioxide nito lamang Sabado, Abril 12.

Naitala rin sa namamagang bunganga ng bulkan ang 50 metrong taas na plume na napapadpad pahilagang-kanluran.

Dahil dito, nagbabala ang Phivolcs sa publiko na maaaring maganap sa Kanlaon ang biglaang pagsabog, pagbuga ng lava, pag-ulan ng abo, Pyroclastic Density Current (PDC), rockfall, at pagdaloy ng lahar kung may matinding pag-ulan.

Kaya naman, ipinayo ng ahensya ang paglikas ng mga nakapaloob sa anim na kilometrong (6 km) radius mula sa tuktok ng bulkan.

Ipinagbabawal din ang pagpapalipad ng anumang sasakyang panghimpapawid sa tuktok ng Kanlaon.

Matatandaang noong Disyembre 9 nang itaas ng Phivolcs sa alert level 3 ang bulkan kasunod ng naging pagputok nito.

MAKI-BALITA: Bulkang Kanlaon, itinaas na sa Alert Level 3!

Romualdez, hinikayat mga Pinoy na magkaisa sa pagtaguyod ng 'kapayapaan' at 'kabutihan'

Sa kaniyang pakikiisa sa paggunita ng Linggo ng Palaspas nitong Abril 13 bilang pagsisimula ng Mahal na Araw, hinikayat ni House Speaker Martin Romualdez ang publikong magkaisa sa pananampalataya upang itaguyod ang “kapayapaan, kabutihan, at pagkakalinga para sa bawat Pilipino.”Binanggit ni Romualdez sa isang Facebook post ang mapagkumbabang pagkapasok ni Hesukristo sa Jerusalem noon habang...

Larawan nina VP Sara, mag-amang Villar usap-usapan

Kumakalat sa social media ang ilang mga larawan nina Vice President Sara Duterte at mag-amang sina businessman at dating senador Manny Villar at House Deputy Speaker, Lone District of Las Piñas City Rep. Camille Villar na tumatakbo naman sa pagkasenador.Batay sa mga larawan, tila kuha ito sa 'behind-the-scenes' ng sinasabing shoot sa campaign video ng umano'y pag-endorso ng...

Silang mayoral bet, humingi ng tawad matapos ang viral 'solo parent remarks'

Humingi ng paumanhin si Silang, Cavite reelectionist Atty. Kevin Anarna matapos siyang patawan ng show cause order ng Commission on Elections (Comelec) bunsod ng kontrobersyal niyang pahayag sa mga solo-parents sa kanilang lugar. Ayon sa ulat ng GMA Integrated News nitong Linggo, Abril 13, 2025, naglabas umano ng pahayag si Anarna noong Sabado, Abril 12 kung saan iginiit niya ang pagpapakababa ng...