“Mayroon na akong pagagalitan…”
Inihayag ni Vice President Sara Duterte na mas naging malapit daw sila ng kaniyang half sister na si Veronica “Kitty” Duterte matapos daw ang lahat ng naging pang-aatake sa kaniya ng administrasyon ni Pangulong Ferdinand “Bongbong” Marcos Jr.
Sa panayam ng media sa Bise Presidente sa The Hague noong Martes, Abril 1, 2025, ipinaliwanag niya ang kaniya raw nararamdaman sa kabila ng pinagdadaanan ng kanilang pamilya.
“I don't have the word right now I only have 'happy' but it's the incorrect word. But to describe it, but I am blessed. Because I gained a sister with what happened to me. After the attacks, the confidential fund attacks, the impeachment. And we have a relationship now. I have a relationship with Kitty. And I'm happy now,” ani VP Sara.
'Mass poisoning?' Tinatayang 20 alagang hayop sa Albay, hinihinalang nilason nang sabay-sabay
KAUGNAY NA BALITA: Impeachment trial kay VP Sara, sisimulan pagkatapos ng SONA – SP Chiz
Ibinahagi rin ni VP Sara na wala raw siyang napagagalitang kapatid noon habang sila ay lumalaki.
“Sabi ko nga sa kaniya, 'I'm happy that I have a sister kasi mayroon akong pagagalitan.' Growing-up, wala akong ganoon, but mayroon ako niyan ngayon na pinagagalitan na kapatid,” anang Pangalawang Pangulo.
Samantala, pinasalamatan din ni VP Sara si PBBM matapos daw siyang magkaroon ng mas malalim na koneksyon sa kaniyang ama na si dating Pangulong Rodrigo Duterte na kasalukuyang nasa detention center ng International Criminal Court (ICC) sa The Hague sa Netherlands.
KAUGNAY NA BALITA: Dahil daw kay PBBM: VP Sara, FPRRD nagkaroon ng ‘father-daughter’ relationship
BASAHIN: TIMELINE: Mula pag-implementa ng drug war, pag-imbestiga ng ICC, hanggang pag-aresto kay FPRRD
