April 03, 2025

Home SHOWBIZ Tsika at Intriga

Resbak time? Ashley Ortega at AC Bonifacio, 'nagbugbugan!'

Resbak time? Ashley Ortega at AC Bonifacio, 'nagbugbugan!'
Photo courtesy: Screenshots from Kapamilya Online Live (YT)

Guest sa April 2 episode ng noontime show na "It's Showtime" sina Kapuso actress Ashley Ortega at Kapamilya actress-dancer AC Bonifacio para sa segment na "Sine Mo 'To."

Sumalang ang dalawa sa katuwaan ng It's Showtime host kung saan ginaya pa nila ang "memable" na reaksiyon nila nang ihayag na silang dalawa bilang duo na "ACLEY" ang kauna-unahang evictees ng makasaysayang "Pinoy Big Brother Celebrity Collab Edition.

MAKI-BALITA: Sigaw ng fans: AC dasurv ma-evict, Ashley nadamay kaya pabalikin sa PBB!

Bahagi pa nito ang "GagamBattle" kung saan nagpambuno ang dalawa habang nasa isang mahabang stick, na kagaya ng ginagawa sa mga gagamba.

Tsika at Intriga

'Reserving my peace' post ni Mayor Mark Alcala, inokray dahil sa grammar

Matatandaang maraming nagsabing hindi raw sana deserve ni Ashley na mapalabas agad sa loob ng Bahay ni Kuya dahil nadamay lamang daw kay AC.

Sa loob naman ng PBB house, nasabi pa ni AC na parang hindi pa niya nararamdaman ang pagiging genuine ni Ashley sa loob ng bahay, bago sila maging duo.

Mukhang wala namang bad blood sa dalawa kahit na iniisyu sila ng kanilang mga tagahanga.

Kaya naman biro ng mga netizen ay tila "nakaresbak" na raw si Ashley kay AC matapos mahulog ang huli sa kamang nasa ilalim na punumpuno ng harina.