Pinatutsadahan ni GMA news reporter Joseph Morong ang taong nasa likod ng pagpapakalat ng video ng kasamahang si Mariz Umali, na umano'y sinabihan nitong "matanda" si dating Executive Secretary Atty. Salvador Medialdea, nang isakay ito sa isang ambulansya at itakbo sa ospital matapos sumama ang pakiramdam.
Ayon kay Joseph noong Marso 19 sa kaniyang Facebook post, ito ay isang kasinungalingan dahil hindi naman daw sinabi ni Mariz ang salitang ito na pumapatungkol kay Medialdea.
"Whoever recorded Mariz’ voice LIED," aniya.
"IT’S A LIE she called Sec that. She would never."
Rep. Acidre, hinamon si Roque na tulungan OFWs na naaresto sa Qatar
"Bakit kayo naniniwala sa kasinungalingan?" aniya pa.
Matatandaang naglabas na rin ng opisyal na pahayag si Mariz hinggil sa isyu at ipinaliwanag niyang hindi niya tinawag na "matanda" si Medialdea, kundi ang nais niyang sabihin ay "mata niya."
"I wish to address and clarify an inaccurate claim about me that has gone viral regarding a statement I made about Former Executive Secretary Salvador Medialdea," ani Mariz nitong Miyerkules ng gabi, Marso 19.
"A certain vlogger has circulated a post containing my voice, claiming that I referred to Former Executive Secretary Medialdea as 'matanda' while he was on a stretcher. This interpretation is inaccurate. What I actually said was, “Tingnan mo yung ‘mata niya’ (Medialdea), nakabukas siya nung una pero nung nakita niya ako, pinikit.'"
"At that time, I, along with our stringer, was reviewing an exclusive footage of Former Executive Secretary Medialdea being taken out of the penitentiary on a stretcher. My observation was purely about his eyes—how they were initially open but closed upon seeing me during my attempt to interview him."
"It is obvious that I was misheard. I want to be clear that no disrespect was intended toward Former Executive Secretary Medialdea. I hope this clarification helps set the record straight," anang Mariz.
Hindi naman nagsabi si Mariz kung magsasampa ba siya ng reklamo sa vlogger na ginawan siya ng isyu tungkol dito.
MAKI-BALITA: Mariz Umali nilinaw isyung tinawag niyang 'matanda' si Atty. Medialdea
