Hindi makapaniwala at naalarma ang isang netizen matapos mag-viral ang isang Facebook post tungkol sa sinabi ni "Atty. Elle Woods" na sa kaniyang pananaw, nagkamali ang International Criminal Court (ICC) sa pag-aresto kay dating Pangulong Rodrigo Duterte, at isa itong "political persecution."
Mababasa sa kumakalat na quote art card na sinabi raw ng abogado, "The ICC just made a grave mistake. The Philippines withdrew from the Rome Statute in 2019, meaning this arrest is illegal-a blatant violation of Philippine's sovereignty and the rule of law."
Dagdag pa, "This isn't justice; it's political persecution."
"Free Duterte now-or face the consequences."
Netizens, 'laglag-panty' sa bodyguard ni VP Sara; sino siya?
Ayon sa netizen na si Jerwin Riparip Soriano, nakakabahala ito dahil si Atty. Elle Woods ay isang fictional character lamang mula sa pelikulang "Legally Blonde" na inspired naman sa nobela ni Amanda Brown.
Si Atty. Elle Woods ay ginampanan ng American actress na si Reese Witherspoon.
Pero ang mas nakakaalarma raw, maraming naniwala sa comment section na tila ba totoong tao at totoong abogado talaga sa tunay na buhay ang nabanggit na karakter.
"I came across this viral post falsely claiming that “Atty. Elle Woods” made a statement about the ICC and the Philippines. For those who don’t know, Elle Woods is a fictional character from the movie Legally Blonde—not a real lawyer," aniya.
"What’s even more alarming is how many people in the comments are believing and thanking her as if she exists in real life. This is a clear example of how misinformation spreads online, especially when it aligns with certain political narratives."
Kaya paalala niya sa mga kapwa netizen, "Let’s be responsible with what we consume and share! Ang lala."
Umani naman ito ng iba't ibang reaksiyon at komento mula sa netizens.
"It's sad how often social media users believe unchecked facts. I agree, sobrang lala."
"Ang lala na talaga ng fake news ngayon hahaha."
"Kaya ang daming nabubudol dahil sa mga ganiyan, lalo na ang oldies. Sila pa naman ang mga loyalista hahaha."
Sa eksklusibong panayam ng Balita kay Jerwin, nagbigay siya ng mensahe sa mga netizen na nakababad sa social media at maraming mga nababasang balita at impormasyong hindi "unverified."
"Been living in Australia for 2 years na po, and I must say, fake news in the Philippines is spreading so fast po that even here, nagmamanifest po yung results," aniya.
Nakakabahala raw na maraming naniniwala sa mga nababasa at nakikita nila sa social media, na hindi man lamang nagfa-fact check.
"The worst part is how easily people believe and share without checking. It’s being used to twist facts, manipulate opinions, and divide us," aniya.
Dagdag pa niya, "For me po, a few seconds of fact-checking can make a huge difference. Don’t just believe—think, verify, and don’t let yourself be fooled."
