Usap-usapan ang aktres na si Nadine Lustre matapos magpa-bodypaint na kagaya ng "Mother Earth" kaugnay sa kampanya ng People for the Ethical Treatment of Animals (PETA) na subukin ng mga tao ang maging "vegan" upang mapangalagaan ang kapakanan ng animal agriculture.
Sa mga larawan, makikitang napipintahan ang katawan ni Nadine ng disenyo ng isang mundo, habang may hawak na placard na "Save the Planet, Go Vegan!"
Ayon sa The Vegan Society, ang veganism ay "philosophy and way of living which seeks to exclude—as far as is possible and practicable—all forms of exploitation of, and cruelty to, animals for food, clothing or any other purpose; and by extension, promotes the development and use of animal-free alternatives for the benefit of animals, humans and the environment. In dietary terms it denotes the practice of dispensing with all products derived wholly or partly from animals."
Napag-alamang ang animal agriculture daw ay isa sa "biggest contributors" sa polusyon, deforestation, at greenhouse gas emissions na nagiging dahilan kung bakit may climate change o pagbabago sa klima.
