ALAMIN: Sino si Nicholas Kaufman na tatayong lead counsel ni FPRRD sa ICC?-Balita

ALAMIN: Sino si Nicholas Kaufman na tatayong lead counsel ni FPRRD sa ICC?

Kamakailan lamang ay inanunsyo ni Vice President Sara Duterte na ang British-Israeli lawyer na si Nicholas Kaufman ang tatayong lead counsel ni dating Pangulong Rodrigo Duterte sa kaso nitong “crimes against humanity” sa International Criminal Court (ICC).

MAKI-BALITA: British-Israeli lawyer Nicholas Kaufman, tatayong lead counsel ni FPRRD sa ICC

Ngunit, sino nga ba si Kaufman at anong mga kaso ang hinawakan niya sa ICC bago ang pagiging legal counsel niya kay FPRRD?

Base sa kaniyang LinkedIn profile, si Kaufman ay isang international lawyer na nagtapos ng abogasya sa University of Cambridge noong 1989.

Isa raw siya sa mga leading advocate na nag-i-specialize ng international criminal law, supra-national regulatory law at commercial arbitration.

Samantala, makikita naman sa listahan ng ICC na kasama si Kaufman sa kanilang public list of counsels.

Kilala si Kaufman sa paghawak ng high-profile cases tulad ng pagiging counsel para sa dating empleyado na si Callixte Mbarushimana ng bansang Rwanda na kinasuhan ng crimes against humanity at war crimes noong 2010. Kalaunan ay na-dismiss din ang kaso ni Mbarushimana dahil sa kakulangan umano ng ebidensya.

Bukod dito, naging abogado rin si Kaufman ni Aisha Gaddafi na nagpetisyon sa ICC upang imbestigahan ang karumal-dumal umanong pagpatay sa kaniyang amang si dating Libyan leader Muammar Gaddafi ng puwersa ng oposisyon.

Noong 2022 nang hawakan ni Kaufman ang kaso ni Maxime Mokom Gawaka, isang dating militia leader sa Central African Republic, na naharap sa kasong “war crimes” at “crimes against humanity.” Ngunit natapos din ang kaniyang pagiging counsel dito dahil umano sa conflict of interest.

Bukod sa pagiging trial lawyer, isa rin daw legal strategist si Kaufman na nag-i-specialize ng litigation, crisis public relations, at reputation management.

Nakatakda ang confirmation of charges hearing para kay Duterte sa ICC sa Setyembre 23, 2025.

Kasama sa legal team ni Kaufman sina dating executive secretary Salvador Medialdea at dating presidential spokesman Harry Roque.

MAKI-BALITA: Confirmation of charges hearing para kay FPRRD, itinakda ng ICC sa Sept. 23, 2025

Duterte, puwedeng palayain pansamantala habang dinidinig ang kaso pero may kondisyon —abogado

Nagbigay ng pananaw ang isang abogado na si Atty. Melencio “Mel” Sta. Maria hinggil sa naunang pagdinig ng International Criminal Court (ICC) sa kaso ni dating Pangulong Rodrigo Duterte.Si Sta. Maria ay nagsilbing dean sa Far Eastern University Institute of Law sa loob ng siyam na taon bago tuluyang umexit noong 2023.Sa latest episode ng programa nina Ted Failon at DJ Chacha sa True FM nitong...

Usec. Castro sa sinabi ni Sen. Go na di binibigyan ng gamot si FPRRD: 'Yan ay opinion niya lang'

Nagbigay-komento si Presidential Communications Office (PCO) Usec. Claire Castro tungkol sa naging pahayag ni Senador Bong Go na hindi raw binibigyan ng gamot si dating Pangulong Rodrigo Duterte habang ito ay nasa kustodiya ng International Criminal Court (ICC) sa The Hague, Netherlands. Matatandaang noong Sabado, Marso 15, sa isinagawang prayer rally na 'Bring Him Home: A Prayer for Tatay...

Sen. Imee Marcos, nanawagan ng 'urgent investigation' sa pag-aresto kay FPRRD

Nanawagan ng 'urgent investigation' si Senador Imee Marcos sa mga opisyal ng gobyerno hinggil sa pag-aresto kay dating Pangulong Rodrigo Duterte noong Marso 11. Sa isang pahayag nitong Lunes, Marso 17, nanagawan ang senadora, bilang chairperson ng Senate Committee on Foreign Relations, na imbestigahan ang pag-aresto sa dating pangulo.Matatandaang noong Marso 11 nang arestuhin si Duterte...

ALAMIN: Sino si Nicholas Kaufman na tatayong lead counsel ni FPRRD sa ICC?

ALAMIN: Sino si Nicholas Kaufman na tatayong lead counsel ni FPRRD sa ICC?

Inirerekomendang balita

Duterte, puwedeng palayain pansamantala habang dinidinig ang kaso pero may kondisyon —abogado

Usec. Castro sa sinabi ni Sen. Go na di binibigyan ng gamot si FPRRD: 'Yan ay opinion niya lang'

Sen. Imee Marcos, nanawagan ng 'urgent investigation' sa pag-aresto kay FPRRD

Features

Opinyon

ALAMIN: Sino si Nicholas Kaufman na tatayong lead counsel ni FPRRD sa ICC?

ALAMIN: Sino si Nicholas Kaufman na tatayong lead counsel ni FPRRD sa ICC?

BALITAnaw: Ang tuluyang pagkalas ng Pilipinas sa ICC noong Marso 17, 2019

Inirerekomendang balita

Duterte, puwedeng palayain pansamantala habang dinidinig ang kaso pero may kondisyon —abogado

Usec. Castro sa sinabi ni Sen. Go na di binibigyan ng gamot si FPRRD: 'Yan ay opinion niya lang'

Sen. Imee Marcos, nanawagan ng 'urgent investigation' sa pag-aresto kay FPRRD

Features

Opinyon