Hindi umano pinahintulutan ng awtoridad si dating Pangulong Rodrigo Duterte na sumailalim sa medical procedure na kailangan niya, ayon sa anak na si Kitty Duterte.
Sa Instagram story ni Kitty nitong Martes ng hapon, Marso 11, makikita ang sulat ng doktor ng dating pangulo.
"We are being illegally detained at 250th Presidential Airlift Wing Col. Jesus Villamor Air Base Pasay City. They aren't allowing my dad to seek the medical attention he badly needs," saad ng presidential daughter.
Samantala, sa video na inupload ng SMNI News, sinabi umano ni CIDG Chief Nicolas Torre na "too much" ang hinihiling na medical procedure ng kampo ni Duterte.
Ilang kabahayan sa Parañaque, tinupok ng apoy
"She's [Honeylet] asking if she may brought him [Duterte] to the hospital... is that too much to ask?" saad ni Atty. Martin Delgra.
"Yes, sir, that's too much," saad ni Torre.
Nagsalita naman si Honeylet, partner ng dating pangulo, na "80 years old na" si Duterte.
Kaugnay nito, nauna nang sinabi ni Senador Bong Go na mayroon medical procedure na gagawin kay Duterte sa MIyerkules, Marso 12.
