Kinumpirma ng Land Transportation Office (LTO) ang utos ni Department of Transportation (DOTr) Sec. Vince Dizon na ipasuspinde ang lahat ng LTO enforcers na sangkot sa viral video ng umano'y marahas nilang pagsita at paghuli sa isang magsasaka sa Panglao, Bohol. 

KAUGNAY NA BALITA: Netizens, rumesbak sa viral video ng paghuli ng LTO enforcers sa isang magsasaka: 'Ang sahol!'

Sa follow-up statement na inilabas ng LTO main office nitong Sabado, Marso 1, 2025 mananatili umanong suspendido ang enforcers na sangkot sa nasabing insidente hangga't hindi pa tapos ang imbestigasyon.

"DOTr Secretary Orders Preventive Suspension of LTO Personnel Involved in Panglao Incident," anang LTO.

Tinatayang nasa 46,000 PDL, naudlot maagang paglaya dahil sa binagong GCTA

Dagdag pa nito, "DOTr Secretary Vince Dizon has ordered the immediate preventive suspension of all LTO personnel involved in the incident in Panglao Bohol. This will remain  in effect pending the completion of a thorough and impartial investigation into the circumstances surrounding the event."

Samantala, kaugnay nito, nauna ring ipagbigay-alam ng LTO sa publiko na ipinag-utos na rin umano ni Dizon ang agarang imbestigasyon ng nasabing insidente. 

"Secretary Dizon has dispatched Assistant Secretary for Road Transport Jojo Reyes today to gather all relevant information and provide immediate recommendations to the Secretary in the next 24 hours," saad ng LTO. 

BASAHIN: LTO Region 7, paiimbestigahan marahas na paghuli ng kanilang tauhan sa isang magsasaka