Nasorpresa ang mga netizen sa announcement ng isang dental clinic tungkol sa kanilang bagong celebrity endorser.
Ito ay walang iba kundi ang kontrobersiyal na ex-girlfriend ng Kapamilya actor Anthony Jennings na si Jamela "Jam" Villanueva.
Mababasa sa Facebook post ng dental clinic ang tungkol sa pagiging pinakabagong brand ambassador nila. Makikita naman sa EDSA ang billboard nito.
"Our billboard is up! Meet our newest ambassador, Jamela Villanueva, as she joins Ampong Dental Essentials in celebrating fresh beginnings," anila.
Makahulugan naman ang tagline nilang “Every Smile Tells a Perfect Story.”
Ila-launch si Jam bilang celeb endorser bukas ng Miyerkules, Enero 29, kasabay ng pagdiriwang ng Chinese New Year.
Kontrobersiyal si Jam matapos niyang i-post sa social media ang screenshots ng umano'y sweet convos ng kaniyang ex-BF at ng reel partner nitong si Maris Racal, na unang umusbong at sumikat sa seryeng "Can't Buy Me Love" noong 2024.
MAKI-BALITA: 'My truth!' Jam Villanueva, may pasabog laban kina Maris Racal, ex-jowang si Anthony Jennings
