Arestado ang 43 taong gulang na Club DJ matapos umano niyang gahasain ang kaniyang inaanak na 17 taong gulang na dalagita.
Ayon sa ulat ng Saksi kamakailan, inaanak ng suspek ang biktima na lagi raw niyang kasama sa club at bar dahil sa kagustuhan ng dalaga na matuto sa pagdi-DJ.
Batay sa imbestigasyon ng pulisya, nagkaroon daw ng inuman sa pagitan ng suspek at biktima kung saan isinagawa ng nasabing club DJ ang motibo sa krimen.
"Noong October 6 nga ay nagkaroon nga ng inuman kung saan ay nakainuman niya yung kaniyang victim at around 1AM ay nagpaalam na ihahatid niya sa bahay nila yung victim at dumiretso sila sa isang motel at doon niya isinagawa yung panghahalay,” ani PLTCol. Ryan Manondo.
Convoy ng umano'y kongresista, dumaan sa EDSA busway!
Bunsod ng labis na kalasingan, hindi na rin daw namalayan ng biktima na dinala siya ng suspek sa isang motel kung saan hindi na umano siya nakapanlaban habang pinagsasamantalahan ng kaniyang ninong.
Nasa kustodiya na ng pulisya ang suspek na nahaharap sa kasong rape.
