Nagpaabot ng pagbati si senatorial candidate Atty. Kiko Pangilinan para sa kaarawan ni dating Pangulong Corazon “Cory” Aquino.
Sa X post ni Pangilinan nitong Sabado, Enero 25, sinariwa niya ang lakas at tapang ni Aquino upang maibalik ang demokrasya sa Pilipinas.
“Sa inyong pamumuno, ipinamalas ninyo ang lakas ng tapang at pananampalataya upang maibalik ang demokrasya sa ating bansa,” saad ni Pangilinan.
Dagdag pa niya, “Maraming salamat sa inspirasyon at gabay na iniwan ninyo para sa ating bayan. Patuloy po kayong inspirasyon sa laban para sa isang mas makatarungan at tapat na pamamahala.”
36 milyong pending na National ID, kailangan ng malaking pondo para ma-release<b>—PSA</b>
Matatandaang si Aquino ang kauna-unahang babaeng pangulo ng bansa matapos mapatalsik ni dating Pangulong Ferdinand Marcos, Sr. sa pamamagitan ng makasaysayang People Power Revolution I noong 1986.
Pumanaw sa Aquino sa edad na 76 noong Agosto 1, 2009 dahil sa sakit na colon cancer.
Samantala, bukod kay Pangilinan, binigyang-pugay din si Aquino ng pamangkin niyang si dating Senador Bam Aquino.
MAKI-BALITA: Bam Aquino, binigyang-pugay si Ex-Pres. Cory Aquino sa birth anniversary nito
