Patay ang isang senior citizen nang mabangga ng isang motorsiklo sa Rodriguez, Rizal nitong bisperas ng Pasko, Disyembre 24.
Tinangka pa ng mga doktor ng Ynares Casimiro Hospital na isalba ang biktimang si Dante Vasquez, 60, scavenger, at residente ng Brgy. San Jose, Rodriguez, ngunit binawian din ng buhay habang nilalapatan ng lunas bunsod ng matinding pinsala sa ulo at katawan.
Batay sa ulat ng Rodriguez Municipal Police Station, nabatid na dakong alas-12:40 ng madaling araw nang maganap ang aksidente sa E. Rodriguez Highway sa Brgy. San Jose.
Minamaneho umano ni alyas ‘Jomari,’ 19, estudyante, at residente rin ng naturang lugar, ang isang Honda PCX 160 motorcycle patungong Brgy. Manggahan, nang pagsapit sa naturang lugar ay aksidente nitong mabangga ang biktima.
Tricycle driver, pinagtulungang patayin ng mga kapitbahay?
Samantala, arestado at mahaharap sa kasong Reckless Imprudence Resulting to Homicide ang suspek.
