Pinuntahan daw ni Kapamilya star Daniel Padilla sa dressing room ang ex-girlfriend niyang si Outstanding Asian Star Kathryn Bernardo para kausapin sa ginanap na ABS-CBN Christmas Special kamakailan.
Sa latest episode ng “Showbiz Updates” nitong Huwebes, Disyembre 12, inispluk ni showbiz insider Ogie Diaz ang nasagap niyang tsika tungkol sa dalawang ex-celebrity couple.
Ayon kay Ogie, “‘Yon nga ang tsika sa akin, nagkita ang dalawa, si Kathryn at si Daniel. [...] Nagkita sila sa backstage sa dressing room.
“Bigla raw may dalang flowers itong si DJ [Daniel]. Kumatok sa dressing room. Pinapasok. Naglabasan ang glam team ni Kathryn at hinayaan ang dalawa na makapag-usap,” dugtong pa niya.
Sinamantala ang pagkakataon? Daniel, pinasok daw si Kathryn habang wala si Mommy Min
Pero paglilinaw naman ng showbiz insider, nakarating lang daw sa kaniya ang naturang tsika. Pwede raw itong kumpirmahin o pabulaanan ng dalawa at ng sinomang mga nakakita.
“Malay naman namin, wala naman kami doon. So, hindi natin alam kung ano ang pinag-usapan no’ng dalawa,” aniya.
Sa kasalukuyan, habang isinusulat ang artikulong ito, wala pang inilalabas na pahayag o reaksiyon sina Kathryn at Daniel hinggil dito. Bukas ang Balita sa kanilang panig.
