Sino kaya ang napakagandang aktres na tinukoy ng showbiz insider na si Ogie Diaz na madalas umanong mag-post ng mga sexy pictures kahit ang totoo ay buntis na?
Sa latest episode ng “Showbiz Updates” nitong Martes, Disyembre 11, tila palaisipan kay Ogie kung paano napapanatili ng nasabing aktres ang privacy nito.
“Nabalitaan ko lang, ‘oy, may anak na ‘yan,’ sabi sa akin ng source ko. ‘A, talaga? Buti naki-keep niya ‘yong privacy niya,’” lahad ni Ogie.
Sagot naman ng source niya, binibilinan umano ang aktres ng pamilya ng lalaki na huwag magbabahagi ng anomang post tungkol sa pamilya nito. Sa madaling-sabi, kasal na raw ang aktres.
Ogie Diaz, pinag-iingat guwapong aktor na mahilig humarot ng chicks
Pero dahil nga blind item, hindi binanggit ni Ogie ang pangalan ng aktres. Nagbigay na lang siya ng clue. Ayon sa kaniya, nakatrabaho na raw niya ito at mayaman.
“Hindi mo siya pwedeng kuwestiyunin na swerte naman niya mayaman napangasawa niya. Hindi, ‘day, siya mismo mayaman bago pa nag-asawa,” aniya.
May ideya ka ba, ka-Balita?
