Tila hindi rin nagpahuli sa TikTok dance craze na "ice cream yummy, ice cream good" si Senador Ronald "Bato" dela Rosa nang bumisita siya sa Naic, Cavite kamakailan.
Noong Linggo, Disyembre 8, bumisita si Dela Rosa sa bayan ng Naic para sa Pista ng Immaculada Conception.
Makikita sa Facebook post ni Naic Vice Mayor Junio Dualan ang mga larawan ng pagbisita ng senador sa kanilang lugar.
"Espesyal po ang bisita natin ngayong araw ng Kapistahan ng bayan ng Naic. Dahil binisita po tayo ng ating kaibigan na si Senator Ronald ‘Bato’ Dela Rosa mismo sa bahay ng ating butihing Mayor Raffy Dualan. Naroon din po si Konsehala Tere Puno at Ms. MJ Puno kung saan ay nagkaroon ng konting salo-salo para sa pinaka mahalagang araw na ito," ani Dualan.
Empleyadong lasing, patay matapos sapakin ng ginising na katrabaho
Sa Facebook post naman ni Konsehal Tere Puno, mapapanood ang pagsayaw nila ni Dela Rosa ng "ice cream yummy, ice cream good."
Samantala, ibinahagi rin ni Dela Rosa sa kaniyang Facebook account na sumabak siya sa naturang dance craze.
Ang "ice cream yummy, ice cream good" ay pumatok sa TikTok ngayong taon. Katunayan, marami na ring kilalang personalidad ang sumali sa dance craze na ito.
