Isang lalaki ang natagpuang patay sa loob ng isang sasakyan sa Tondo, Manila nitong Martes, Nobyembre 19.
Inaalam pa ng mga awtoridad ang pagkakakilanlan ng biktima, na may mga tama ng saksak sa katawan.
Lumilitaw sa sketchy report ng Manila Police District (MPD) - Tondo Police Station 2, na dakong alas 6:30 ng umaga nang madiskubre ang bangkay ng biktima sa driver seat ng kulay gray na Toyota Avanza sa may P. Algue corner Abad Santos, sa Tondo.
Nauna rito, namataan umano ng testigong si Victor Corrales, 61, miyembro ng Manila Traffic and Parking Bureau (MTPB), ang nakaparadang Toyota Avanza na may plate number CBM 4247.
Nasentensyahang si Mary Jane Veloso, babalik na sa Pilipinas—PBBM
Pinuntahan umano ni Corrales ang sasakyan para paalisin sana ang driver na nakaparke sa lugar.
Gayunman, nang silipin ang loob nito ay nakita ang duguang driver na wala ng buhay sa driver seat.
Kaagad naman niyang ipinaalam sa Algue Police Community Precinct (PCP) ang insidente.
Masusi nang iniimbestigahan ng mga awtoridad ang krimen para aa agarang ikareresolba nito.
