Nagbigay ng reaksiyon si dating senador at Caloocan City mayoral aspirant Sonny Trillanes sa pagdinig ng House Quad Committee, Miyerkules, Nobyembre 13.
Sa kaniyang X post sa mismo ring petsang binanggit, sinabi ni Trillanes na ang dami raw drama ni dating Pangulong Rodrigo Duterte sa nasabing hearing.
“Marami pang drama si Digong komo galit daw sya sa droga pero protektor at partner naman pala si Michael Yang. Wag na kayo pabola dyan,” saad ni Trillanes.
Matatandaang sa isang bahagi ng hearing ay inusisa si Duterte kung gaano niya kakilala si Yang na isang negosyante at hinihinalang drug lord umano.
47% ng mga Pinoy, naniniwalang bubuti ang buhay sa susunod na 12 buwan – SWS
Ngunit kung alam daw niyang may kaugnayan si Yang sa ilegal na droga ay matagal na raw sana niya itong ipinapatay.
“Michael Yang is out there, he has not been arrested. Wala namang pinapakita sa akin. Kung mayroon edi ako na ang pumatay. Hindi na kailangan na may pulis, ako na mismo ang papatay,” saad ni Duterte.
Matatandaang kamakailan lang ay pumutok ang isyu hinggil sa ilegal na droga raw na kinasasangkutan ni Yang, maging ang kaniyang kapatid na si Tony Yang, na may kinalaman umano sa operasyon ng Philippine Offshore Gaming Operators (POGO).
MAKI-BALITA: FPRRD, handa raw patayin si Michael Yang 'pag napatunayang involved sa drug deal
