Nagdesisyon nang umatras bilang lead legal counsel ni dating Pangulong Rodrigo Duterte si Atty. Nicholas Kaufman, ayon sa inilabas nitong opisyal na pahayag.
Sa kaniyang official statement, ipinahayag ni Kaufman ang pasasalamat sa pagkakataong katawanin ang dating pangulo, gayundin sa mga sumuporta sa kaniya habang ginagampanan ang tungkulin bilang abogado ni Duterte.
“It has been a privilege for me to represent the former President. I thank both him and the many thousands of supporters who have shown their appreciation for my efforts on his behalf,” ani Kaufman.
Bagama’t naghain na siya ng kahilingan upang makapag-withdraw bilang legal counsel, naniniwala umano siyang maiiwan niya si Duterte sa mabubuting kamay kung ito ay maaaprubahan.
“If my withdrawal is approved, I am convinced that I will be leaving Tatay Digong in safe hands,” dagdag pa niya.
PNP, susunod sa kautusan ng DOJ na ipatupad arrest warrant ng ICC vs Sen. Bato
Nagpaabot din si Kaufman ng mensahe para sa dating pangulo, pamilya Duterte, at sambayanang Pilipino.
“May God bless the former President, the Duterte family and the Filipino nation. Daghang Salamat!” saad niya.
Sa kasalukuyan, wala pang inilalabas na karagdagang detalye kaugnay sa dahilan ng kaniyang pag-withdraw bilang legal counsel ni Duterte.
Bukod kay Kaufman, nag-withdraw rin bilang associate legal counsel sa defence team si Dr. Dov Jacobs.
Maki-Balita: Bukod kay Kaufman, Associate Counsel ni FPRRD nag-withraw na rin!
Si FPRRD ay kasalukuyan pa ring nahaharap sa kasong crimes against humanity sa International Criminal Court (ICC), kung saan, kamakailan lamang ay nakumpirma na nga ang charges laban sa kaniya matapos makitaan ng probable cause.
Inanunsyo ang pagkalas ni Kaufman sa defence team nitong gabi ng Biyernes, Mayo 8 (oras sa Pilipinas).
