Tila "October to Remember" nga para kay Filipino basketball player-celebrity Kiefer Ravena ang nagdaang buwan dahil sa lowkey flex niya sa kaniyang girlfriend na si dating Pinoy Big Brother housemate na si Diana Mackey na may suot na engagement ring.
Sa isang Instagram post nitong Oktubre 31, iflinex ni Ravena ang picture nila ni Mackey na may suot na engagement ring.
"An October to Remember," saad ni Ravena sa caption. Sa serye rin ng Instagram stories, tila kinumpirma na rin niya ang tungkol sa kanilang engagement dahil nirerepost niya ang mga nag-congrats sa kanila.
Matatandaang kamakailan lang nang i-hard launch ni Mackey si Ravena sa pamamagitan ng Instagram post.
Bianca pinabulaanang nagsasama, kasal sila ni Ruru
BASAHIN: Nilantad na! Kiefer Ravena, 'best plot twist of 2024' ng jowang si Diana Mackey
Sa kasalukuyan, si Diana ay flight attendant sa Philippine Airlines at nag-aaral na rin siya sa pagkapiloto. Bago pumasok bilang PBB housemate noong 2019, si Diana ay aktibo sa pagsali sa beauty pageants gaya na lamang ng Miss Manila 2017 kung saan siya ang itinanghal na second runner-up, at Binibining Pilipinas 2022 kung saan napasama siya sa Top 12.
Si Kiefer naman ay ex-boyfriend ng volleyball superstar na si Alyssa Valdez.
