VP Sara sa running mate na Marcos kung sakaling tatakbo: 'Never again!'

By Richard De Leon

September 18, 2024

In BALITA

Tahasan at diretsahang sinabi ni Vice President Sara Duterte na hindi na siya papayag na magkaroon ng running mate na "Marcos" kung sakaling magdesisyon siyang kumandidato sa pagkapangulo sa 2028.

Iyan ang nasabi ng pangalawang pangulo sa ambush interview ng media sa kaniya, matapos ang pagdalo sa congress hearing nitong araw ng Miyerkules, Setyembre 18.

Isang media reporter kasi ang nagtanong kung may balak pa siyang tumakbo bilang pangulo ng bansa sa 2028. Sagot ng pangalawang pangulo, ibibigay niya ang sagot sa fourth quarter ng 2026.

Nang matanong naman kung papayag ba siyang magkaroon ng running mate na isang Marcos ulit, "Never again" ang sagot niya.

"Pero Ma'am never again na po kayo to team with a Marcos in the future?"

"Never again," umiiling na sagot ni VP Sara.

"Why Ma'am?" untag naman ng isa pang male reporter.

Tila nag-alinlangan pang sumagot ang pangalawang pangulo, "Sit down tayo..."

Matatandaang running mates ng "UniTeam" sina Pangulong Ferdinand "Bongbong" Marcos, Jr. at VP Sara noong 2022 elections at pareho silang nagwagi.

Subalit sa mga nagdaang buwan ay tila "nagkawatak" na sila dahil sa ilang mga isyu, at ang pinakahuli nga ay pagbibitiw ni VP sara bilang kalihim ng Department of Education (DepEd) noong Hulyo.

Alice Guo, pina-cite in contempt ng House quad-committee

Ipina-cite in contempt ng ng quad-committee ng Kamara si dating mayor Alice Guo dahil umano sa pagsisinungaling at pag-iwas sa tanong ng mga kongresista.Ginawa ni Abang Lingkod party-list Rep. Joseph Stephen Paduano ang mosyon na inaprubahan ni Surigao del Norte 2nd District Rep. Robert Ace Barbers matapos walang tumutol dito.Ide-detain daw si Guo hanggang sa matapos ang pagdinig ng komite.Nitong...

Maza kay VP Sara: 'Hindi ikaw ang bida dito kundi ang taumbayang kinauutangan mo!'

Matapos ang naging “mainit” na pagdinig ng Kamara nitong Miyerkules, Setyembre 18, giniit ni dating Gabriela Party-list Representative at Makabayan Coalition senatorial bet Liza Maza na hindi umano si Vice President Sara Duterte ang “bida” kundi ang taumbayan na pinagkakautangan niya ng paliwanag.Matatandaang sa naging pagdinig ng House Committee on Good Government and Public...

Magpinsang paslit nagkayayaang maligo sa lawa, nalunod

Patay ang magpinsang paslit nang malunod matapos na magkayayaang maglaro sa lawa sa Binangonan, Rizal nitong Miyerkules.Ang mga biktima ay kinilala lamang na sina alyas 'Reanna,' 11, special child, at alyas 'Miracle,' 6, kapwa ng Brgy. Ginoong Sanay, sa Binangonan.Batay sa ulat ng Binangonan Municipal Police Station, nabatid na dakong alas-3:50 ng hapon nang maganap ang...