Barbie phone, isinapubliko na; anong kaibahan sa smartphones?-Balita

Ipinakilala na ng Nokia phone maker HMD Global at toymaker na Mattel ang cellphone para sa Barbie lovers: ang kikay na real-life Barbie phone.

Ngunit, ano nga ba ang kaibahan nito sa usual smartphones?

Ayon sa website ng HMD, nakipag-partner sila sa Mattel para likhain ang Barbie phone. Ito ay isang flip phone na, syempre, kulay pink para Barbie talaga ang bihis.

Kakaiba rin ito sa usual na smartphones sa henerasyong ito dahil wala itong touch screen at access sa internet at kahit anong social media apps. Ang goal daw nito ay para mag-disconnect sa ingay ng digital world at mas maka-connect ulit sa real world.

“Say hello to the ultimate Barbie Flip Phone – it’s chic, it’s sleek, and yes, it’s PINK!

This isn’t just any phone; it’s a break from the digital noise, so you can reconnect with what really matters,” anang HMD.

Maa-access naman daw ng users sa Barbie-pink keypad ang features tulad ng calls at texts, at 5-megapixel camera pang-selfie with friends.

Bukod dito, instant mirror na rin ang Barbie phone dahil sa naka-attach na salamin sa harap nito. Mayroon din itong hidden designs tulad ng palm trees, hearts at flamingos na umiilaw kapag madilim.

“This is about your style, too! It comes with Barbie covers, each with a different design. Switch them up as often as you like, then make them your own with the included stickers and crystals. It even has a beaded lanyard with iconic Barbie charms for added style. We all have a unique sparkle to show the world. Make it your own!” saad pa ng HMD.

Nasa $131.24 o mahigit ₱7,300 naman daw ang presyo ng Barbie phone na nagsimula nang maging available simula nitong Miyerkules, Agosto 28.

Ang naturang pag-launch ng Barbie phone ay kasabay ng 65th birthday ng Barbie doll ngayong taon at kasunod din ng success ng Barbie movie noong nakaraang taon na pinagbidahan ni Margot Robbie.

PCO, pinasalamatan Kamara sa pag-apruba ng ₱2.281B proposed budget sa 2025

Pinasalamatan ng Presidential Communications Office (PCO) ang House of Representatives dahil sa mabilis umano nitong pag-apruba sa kanilang ₱2.281 bilyong panukalang budget para sa taong 2025.Nitong Biyernes, Setyembre 20, nang lumusot sa deliberasyon ng House plenary ang panukalang budget ng PCO.“The fact that our budget breezed through plenary without a single question asked and no...

Ex-VP Leni Robredo, tatakbong alkalde ng Naga City

Tatakbo si dating Vice President Leni Robredo bilang alkalde ng Naga City sa 2025 elections.Kinumpirma ito ni Liberal Party executive vice president Erin Tañada nitong Biyernes, Setyembre 20.Matatandaang kamakailan lamang ay nauna nang ipinaliwanag ni Robredo kung bakit bilang Naga City mayor ang pinaplano niyang takbuhan sa darating na eleksyon sa halip na sa isang national seat tulad ng...

#WalangPasok: Class suspensions ngayong Biyernes, Sept. 20

Narito ang listahan ng #WalangPasok sa ilang lugar sa bansa ngayong Biyernes, Setyembre 20 dahil sa masamang panahon dulot ng hanging Habagat.ALL LEVELSPozorrubio, Pangasinan (face-to-face, public and private)Calumpit, Bulacan (face-to-face, public and private)PAMPANGA - Minalin (face-to-face, public and private)- Candaba (face-to-face, public and private)NEGROS OCCIDENTAL-...