PBBM, iaanunsyo na ang bagong DepEd chief bago matapos ang linggo

By MJ Salcedo

June 27, 2024

In BALITA

Ipinahayag ni Pangulong Ferdinand “Bongbong” Marcos Jr. nitong Huwebes, Hunyo 27, na iaanunsyo na niya ang bagong kalihim ng Department of Education (DepEd) bago matapos ang linggong ito.

Ang naturang pahayag ng pangulo ay kasunod ng naging pagbibitiw ni Vice President Sara Duterte bilang DepEd secretary noong nakaraang linggo.

MAKI-BALITA: VP Sara sa pagbibitiw bilang DepEd Secretary: ‘Hindi lulan ng kahinaan'

“I would like to be able to announce the appointment of the new DepEd secretary by the end of the week,” ani Marcos sa isang ambush interview.

Ayon pa sa pangulo, hindi umano nagbigay sa kaniya ng dahilan si Duterte kaugnay ng kaniyang pagbibitiw sa ahensya.

Samantala, matatandaan namang sinabi ng bise presidente sa isang panayam ng GMA Integrated News kamakailan na nalulungkot siya sa kaniyang naging pagbibitiw dahil minahal daw niya ang kaniyang trabaho sa DepEd.

MAKI-BALITA: VP Sara, nalulungkot sa pagbibitiw sa DepEd: ‘Minahal ko talaga trabaho ko’

Sinabi rin ni Duterte na personal siyang nagtungo sa opisina ni Marcos upang sabihin ang tungkol sa kaniyang pagbibitiw sa DepEd at bilang bahagi ng gabinete nito, at naging maayos naman daw ang kanilang pag-uusap.

MAKI-BALITA: VP Sara kay PBBM: ‘We are still friendly with each other on a personal level’

Fingerprint ng ikatlong 'Alice Guo', 'di tugma kay Mayor Alice Guo

Isiniwalat ng National Bureau of Investigation (NBI) nitong Miyerkules, Hulyo 3, na hindi tugma ang fingerprint ng ikatlong 'Alice Guo' kay suspended Bamban, Tarlac Mayor Alice Guo.Ang ikatlong 'Alice Guo' at si Mayor Alice ay pareho ng petsa ng kaarawan na Hulyo 12, 1986, at pareho ring ipinanganak sa Tarlac, dahilan para pag-aralan ng NBI ang fingerprint ng una base sa NBI...

Plano raw ng DILG na pagpaliwanagin si Mayor Baste, walang katotohanan — Abalos

Naglabas ng pahayag si Department of the Interior and Local Government (DILG) Secretary Benhur Abalos kaugnay sa ulat ng isang pahayagan.Sa Facebook post ni Abalos nitong Martes, Hulyo 2, pinabulaan niya ang nakasaad sa ulat tungkol kay Davao City Mayor Sebastian “Baste” DuterteAyon sa ulat: “Plano ng DILG na pagpapaliwanagin si Baste kung bakit wala ito sa kanyang nasasakupan o pwesto...

Zamora sa 'perwisyo' ng Wattah Wattah Festival: 'Babawi tayo San Juan!'

Ipinangako ni San Juan City Mayor Francis Zamora na 'babawi' ang San Juan sa hindi matigil-tigil na isyu kaugnay sa ilang mga 'pasaway' na residente ng lungsod na umano'y nagdulot ng perwisyo sa 'Wattah Wattah Festival' na taunang ipinagdiriwang tuwing Hunyo 24.Ang nabanggit na kapistahan, na tinatawag ding 'Basaan,' ay pagpupugay sa pintakasi ng...