Mahigpit ang paalala ng Department of Health (DOH) sa publiko na umiwas sa mga hayop na hinihinalang may Q Fever.
Ang paalala ay ginawa ng DOH kasunod na rin ng kumpirmasyon ng Department of Agriculture (DA) na naitala na ang kauna-unahang kaso ng Q Fever bacteria Coxiella burnetti sa bansa, na matatagpuan sa mga imported na kambing.
Ping Lacson, kinilala ambag nina PNoy, PBBM sa estado ng kaso ni Mary Jane Veloso
Samantala, tiniyak din naman ng DOH sa publiko na sa ngayon ay nagsasagawa na sila ng masusing assessment sa mga panganib na hatid ng Q Fever sa kalusugan ng tao.
Ayon sa DOH, ang Q Fever, o Query Fever, ay sanhi ng bacteria na Coxiella burnetti.
Ito ay karaniwang mild na zoonotic disease na matatagpuan sa mga hayop na maaaring ihawa o isalin sa mga tao, partikular na ang mga magsasaka at mga animal handlers, na madalas na may kontak sa mga infected na hayop.
Paglilinaw naman ng DOH, ang human-to-human transmission ng sakit ay 'rare' lamang.
Nabatid na ang sintomas ng naturang sakit sa tao ay karaniwang nakikita sa loob ng 2-3 linggo matapos ang exposure o pagkalantad dito at karaniwan nang non-specific at mild lamang ito.
Kabilang umano sa mga naturang sintomas ng sakit ay lagnat, fatigue, pananakit ng ulo, ubo, pagduduwal, at pagsusuka.
Tiniyak naman ng DOH na maaaring gamutin ang Q Fever ng antibiotics na widely available sa Pilipinas.
Pinayuhan din naman ng DOH ang publiko na sakaling makaranas ng alinman sa mga sintomas ng Q Fever ay huwag mag-atubiling magtungo sa pinakamalapit na pagamutan o klinika.
"The DOH advises the public to avoid contact with animals suspected to have Q fever. If exposure is suspected, please consult with the nearest hospital or clinic," ayon pa sa DOH.
Paniniguro pa ng DOH, kaagad silang maglalabas ng mga updates hinggil sa Q Fever sa sandaling available na ito.
