LPA sa loob ng PAR, nakaaapekto sa ilang bahagi ng PH

By MJ Salcedo

June 11, 2024

In BALITA National

Isang low pressure area (LPA) sa loob ng Philippine area of responsibility (PAR) ang kasakuyang nakaaapekto sa ilang bahagi ng bansa, ayon sa Philippine Atmospheric, Geophysical and Astronomical Services Administration (PAGASA) nitong Martes, Hunyo 11.

Sa Public Weather Forecast ng PAGASA kaninang 4:00 ng madaling araw, inihayag ni Weather Specialist Rhea Torres na huling namataan ang LPA 145 kilometro ang layo sa west northwest ng Butuan City, Agusan del Norte.

Inaasahang magdudulot ito ng maulap na kalangitan na may kalat-kalat na pag-ulan at thunderstorms sa Eastern Visayas, Dinagat Islands, Surigao del Norte, at Agusan del Norte.

Sa ngayon ay mababa naman ang tsansang maging bagyo ang naturang LPA at posible na itong malusaw ngayong Martes, ayon kay Torres.

Samantala, inaasahang makararanas ang Metro Manila at mga natitirang bahagi ng bansa ng mainit ng panahon sa tanghali, na may tsansa ng isolated rainshowers o thunderstorms sa hapon o gabi dahil sa localized thunderstorms.

Bukod dito ay hindi naman nakaaapekto ang southwest monsoon o habagat sa alinmang bahagi ng bansa ngayong Martes, ani Torres, ngunit sa mga susunod na araw ay posible raw itong magpaulan muli sa kanlurang bahagi ng kapuluan.

Trust, approval rating ni PBBM, tumaas; bumaba naman kay VP Sara -- Tangere

Tumaas ang bilang ng mga Pilipinong nagtitiwala at nasisiyahan sa performance ni Pangulong Ferdinand “Bongbong” Marcos Jr. habang bumaba naman ang kay Vice President Sara Duterte, ayon sa survey ng Tangere.Base sa pinakabagong survey ng Tangere nitong Lunes, Setyembre 23, mula Agosto hanggang Setyembre ay tumaas ang bilang ng mga Pilipinong nagtitiwala umano kay Marcos, mula 58.5% patungo sa...

Mas malamig na panahon at mas mahabang gabi, dapat nang asahan

Opisyal ng idineklara ng Philippine Atmospheric Geophysical and Astronomical Services Administration (PAGASA) ang pagpasok ng autumnal equinox mula Setyembre 22, 2024, kung saan maaari na umanong maranasan ang magkasing-haba na ang oras ng umaga at gabi.Ang equinox ay salting Latin nangangahulugan sa wikang ingles na “equal.” Samantala, nilinaw naman ng PAGASA na bagama’t magkasing-haba...

'Family Day,' gawing paalala sa 'krisis sa pagkain' ng mga Pinoy -- VP Sara

Sa gitna ng kaniyang pakikiisa sa “Kainang Pamilya Mahalaga Day” o “Family Day,” sinabi ni Vice President Sara Duterte na maging paalala raw sana ang pagdiriwang sa hinaharap na krisis sa pagkain ng maraming mga Pilipino.“Ngayong araw, ipinagdiriwang natin ang pagsasama-sama sa hapag-kainan ng mga pamilyang Pilipino,” ani Duterte sa isang pahayag nitong Lunes, Setyembre 23.Sinabi rin...