Guo, pinatatanggalan ng kapangyarihang pangasiwaan ang Bamban police

By MJ Salcedo

May 20, 2024

In BALITA National

Pinatatanggalan na ng Department of Interior and Local Government (DILG) si Bamban, Tarlac Mayor Alice Guo ng kapangyarihang pangasiwaan ang pulisya sa munisipalidad na nasasakupan nito.

Sa isang press conference nitong Lunes, Mayo 20, sinabi ni DILG Secretary Benhur Abalos na inirekomenda na nila ang pagtatanggal ng kapangyarihan ni Guo na mag-deputize at pangasiwaan ang mga operatiba ng Philippine National Police (PNP).

Ayon kay Abalos, ang naturang hakbang nila ay may kaugnayan sa umano’y pagkakasangkot ng alkalde sa iligal na Philippine Offshore Gaming Operators (POGO) sa lalawigan.

Maaari na rin umanong makapagsampa ng kaso ang DILG anumang oras matapos ang imbestigasyong isinumite nila sa Office of the Ombudsman.

Samantala, matatandaang kamakailan lamang ay sinabi ni Abalos na nagrekomenda na sila ng “preventive suspension” laban kay Guo.

MAKI-BALITA: DILG, nagrekomenda ng ‘preventive suspension’ laban kay Mayor Alice Guo

Kasalukuyan ding iniimbestigahan sa Senado ang naturang pagkakadawit umano ng alkalde sa POGO, kung saan kinuwestiyon din sa pagdinig ang tungkol sa identidad nito.

MAKI-BALITA: Mayor ng Bamban, Tarlac, walang school at hospital records?

'Huwag na sana natin palakihin pa!' Kiko, nag-react sa pagkikita nina VP Sara, Leni

Nagbigay ng reaksiyon si dating senador at vice presidential candidate Atty. Kiko Pangilinan sa pinag-usapang pagbisita ni Vice President Sara Duterte sa tahanan ni dating Vice President Leni Robredo sa kapistahan ng Our Lady of Peñafrancia sa Naga City, Camarines Sur na naganap kamakailan.MAKI-BALITA: VP Sara Duterte, binisita si Ex-VP Leni Robredo sa NagaAyon kay Kiko, noon pa mang nabubuhay...

Mark Andrew Yulo, inimbitahan ni Sen. Bong Go sa PBA game

Ibinahagi ng tatay ni two-time Olympic gold medalist Carlos Yulo na si Mark Andrew Yulo ang ilang mga larawan ng pagtatagpo nila ni Sen. Bong Go sa naganap na PBA game sa Ninoy Aquino Stadium. Ayon sa simpleng Facebook post ni Yulo noong Setyembre 20, nagpasalamat siya sa senador sa imbitasyon nito sa kaniyang manood ng PBA game. Batay sa hashtag ay mukhang maka-Ginebra team ang tatay ni...

PBBM, naiilang kapag pinapasalamatan sa ibinibigay na serbisyo: 'Hindi ko pera 'yan!'

Nagbigay ng reaksiyon si Pangulong Ferdinand “Bongbong” Marcos, Jr. sa birthday message ng isang netizen para sa kaniya.Sa latest vlog kasi ng pangulo nitong Linggo, Setyembre 22, ay tampok ang mga birthday greet na natanggap niya mula sa iba’t ibang ospital.At kasama sa mga naitampok ay ang komento ng isang netizen tungkol sa mga programa ng pangulo sa healthcare ng bansa. “Still...