Tila sumisikat na talaga ang P-Pop girl group na BINI dahil bukod sa supporters ay nadadagdagan din ang kanilang bashers gaya ng social media personality na si Xian Gaza.
Sa kaniyang Facebook post nitong Biyernes, Abril 26, sinabi niya na dalawa lang umano ang maganda sa naturang girl group.
“May dalawang maganda sa BINI. Pangit na lahat,” pahayag ni Xian.
“Hindi ko sinabi na pogi ako ha? Pangit din ako. Kagaya nung anim,” pasubali niya sa comment section.
Estudyante sa Thailand, naipit ulo sa railings kasusulyap kay 'Crush'
Dagdag pa niya: ”Bahala kayong mag-isip kung sino. Hindi natin ire-reveal yung anim na chararat because that's bullying. Bad yun.”
Bukod dito, inintriga rin ng isang netizen na nagngangalang “Jayson Laniba” ang kantang “Pantropiko” ng BINI dahil may bahid umano ito ng satanismo.
MAKI-BALITA: Kaya init ngayon, mala-impyerno! Pantropiko, kantang gawa ng demonyo?
Naglabas naman noong Abril 24 ng opisyal na pahayag ang talent agency nilang Star Magic para balaan ang mga naninira sa BINI at sa kanilang boy group counterpart na BGYO.
MAKI-BALITA: Star Magic, posibleng kasuhan mga naninira sa BINI at BGYO
MAKI-BALITA: ‘Walo hanggang dulo:’ Sino-sino ang mga binibini ng BINI?
