Inihayag ni Senador Imee Marcos na nalulungkot siya sa mga nangyayari sa political coalition nina Pangulong Ferdinand “Bongbong” Marcos Jr. at Vice President Sara Duterte noong 2022 elections na “UniTeam.”
Sa isang press conference na inulat ng Manila Bulletin, sinabi ni Sen. Imee na nahaharap ngayong ang UniTeam sa mga kritisismo, ngunit sa kabila nito’y maayos naman daw ang ugnayan nina PBBM at VP Sara.
“I am saddened by the issues within UniTeam. It is falling apart, facing criticism,” ani Imee.
“But, the principal, President Bongbong and Vice President Sara, work well together. I’m sad that the unity is breaking down,” dagdag pa niya.
DOH, nakapagtala ng 17 firework-related injuries sa loob lamang ng 24 oras
Matatandaang kamakailan lamang, umalma si PBBM sa naging banat ng ama ni VP Sara na si dating Pangulong Rodrigo Duterte na “namamasyal” lang siya sa kaniyang mga foreign travel.
MAKI-BALITA: PBBM, inalmahan banat ni ex-Pres. Duterte: ‘We don’t make pasyal’
Bago ang naturang isyu, iginiit ni Duterte noong Enero 28 na “bangag” at “drug addict” umano si PBBM.
MAKI-BALITA: PBBM ‘bangag’, ‘drug addict’, sey ni ex-Pres. Duterte
Iginiit naman ng kasalukuyang pangulo na sa tingin niya’y nasabi iyon ni Duterte dahil sa pagtira umano nito ng “fentanyl.”
MAKI-BALITA: Ex-Pres. Duterte tumitira daw ng ‘fentanyl,’ banat ni PBBM
