Hindi makapaniwala ang Filipino pop folk band Ben&Ben na magpe-perform sila bilang special guest sa nalalapit na concert ni British singer-songwriter Ed Sheeran sa Pilipinas.
Sa isang Facebook post nitong Martes, Pebrero 27, inihayag ng banda kung gaano ka-surreal para sa kanilang maging special guest sa concert ni Ed sa Marso 9, 2024.
“Ma, special guest na kami ni Ed Sheeran sa concert niya ,” caption ng 9-peace band sa kanilang post.
“Parang dati lang, nagcocover lang kami ng ‘Perfect’ sa Youtube. Never in our wildest dreams did we think this could happen. Surreal,” dagdag pa nila.
Ed Sheeran, magko-concert sa ‘Pinas sa susunod na taon
Kasama ng Ben&Ben bilang special guest sa Ed Sheeran concert si singer-songwriter Calum Scott.
Matatandaang inanunsyo ng producer na Ovation Productions kamakailan na babalik si Ed sa Pilipinas para sa kaniyang “+ – = ÷ x Tour.”
Magaganap ang concert ng award-winning artist sa darating sa SMDC Festival Grounds.
Matatandaang huling nag-perform ang award-winning artist sa Pilipinas noong Abril 2018 sa isang sold-out concert sa SM MOA Concert Grounds para sa kaniyang “Divide” tour.
