Isang taga-Nueva Ecija at isang taga-Maynila ang maswerteng maghahati sa ₱70.8M jackpot prize ng Mega Lotto 6/45.
Ayon sa Philippine Charity Sweepstakes Office (PCSO) binola nitong Lunes ng gabi ang naturang lotto game kung saan nahulaan ng dalawang lucky winner ang winning combination na 29-07-09-20-03-26 na may kaakibat na ₱70,879,526.80.
Upang makubra ang premyo, magdala lamang ng dalawang valid IDs at tumungo sa tanggapan ng PCSO sa Mandaluyong City.
