Pinasalamatan ni Pangulong Ferdinand Marcos, Jr. ang United States government dahil sa pagtulong sa mga naapektuhan ng kalamidad sa Mindanao kamakailan.
Inilabas ni Marcos ang pahayag matapos mag-courtesy call sa Malacañang si US Ambassador to the Philippines Marykay Loss Carlson nitong Martes.
Ipinahayag naman ni Carlson na natutuwa ang Washington sa pagpapadala nito ng dalawang C-130 cargo aircraft mula sa Indo-Pacific Command kahit hindi ito ang pinakamadaling paraan ng pag-deliver ng foreign assistance.
National
Umano'y 'white substance' na inabot kay PBBM, isang lapel pin daw sey ng PCO
“But when you ask and you need it we are here. Teams come from USAID, JUSMAG and our team from INDOPACOM… just how impressive your own DSWD (Department of Social Welfare and Development) is in coordinating the relief supplies. There’s so much that can be done more efficiently through the mechanism that exists... but sometimes you just need an extra push and it is also a good demonstration of how good the alliance can deliver," ani Carlson.
Bukod dito, nagbigay din ang U.S. ng US$1.25 milyong emergency support matapos mapansin ang naging tagumpay ng pamahalaan sa pamamahagi ng ayuda sa mga lugar na tinamaan ng kalamidad.
Binanggit naman ng Pangulo ang kahalagahan ng Enhanced Defense Cooperation Agreement (EDCA) sites para mapalakas ang disaster relief and response sa Pilipinas.
Matatandaang nakaranas ng malawakang pagbaha ang malaking bahagi ng Mindanao dulot na rin ng shear line at low pressure area kamakailan.
