Iginiit ni dating Senador Antonio Trillanes IV na dapat daw magkaroon ng “kahihiyan” si Vice President Sara Duterte at magbitiw na bilang kalihim ng Department of Education (DepEd) matapos “insultuhin” ng pamilya nito si Pangulong Ferdinand “Bongbong” Marcos Jr.

“Pagkatapos ng kaguluhan nung Linggo, minura at ininsulto na ng tatay at mga kapatid mo, tapos kapit-tuko ka pa rin as DepEd Secretary? Konting hiya naman,” pagbibigay-diin ni Trillanes sa isang X post nitong Martes, Enero 30.

“Magresign ka na as DepEd Secretary, please. #SaraResign,” saad pa niya.

Matatandaang kasabay ng isinagawang “Bagong Pilipinas” kick-off rally ng pamahalaan noong Linggo, Enero 28, naganap din ang prayer rally kontra Charter Change (Cha-cha) sa Davao City kung saan pinatutsadahan ng ama ni VP Duterte na si dating Pangulong Rodrigo Duterte, at mga kapatid niyang sina Davao City Rep. Paolo "Pulong" Duterte at Davao City Mayor Sebastian “Baste” Duterte.

Marcoleta, pinigilang magtanong tungkol sa proposed ₱6.352-trillion 2025 nat'l budget

Sa naturang forum, tinawag ni dating Pangulong Duterte ang kasalukuyang pangulo na “drug addict.”

MAKI-BALITA: PBBM ‘bangag’, ‘drug addict’, sey ni ex-Pres. Duterte

Itinanggi naman ng Philippine Drug Enforcement Agency (PDEA) na kasama si Marcos sa kanilang drug watchlist.

MAKI-BALITA: PDEA, kinontra si ex-Pres. Duterte; itinangging nasa drug watchlist si PBBM

Matapos ang tirada sa kaniya, iginiit ni Marcos na baka nasabi raw ni dating Pangulong Duterte ang naturang mga pahayag laban sa kaniya dahil sa pagtira umano nito ng “fentanyl.”

MAKI-BALITA: Ex-Pres. Duterte tumitira daw ng ‘fentanyl,’ banat ni PBBM

Samantala, sinabihan naman ni Mayor Baste si Marcos sa nasabing forum noong Linggo na “tamad” at kulang daw sa “compassion” bilang punong ehekutibo ng bansa.

MAKI-BALITA: Mayor Duterte kay PBBM: ‘You are lazy and you lack compassion’

Bukod dito, igiit pa ng alkalde na dapat na raw magbitiw sa pwesto ng pagkapangulo si Marcos kung wala raw itong pag-ibig para sa Pilipinas.

MAKI-BALITA: Davao City Mayor Duterte, pinagre-resign si PBBM

Kaugnay nito, nito lamang Lunes ay naglabas ng opisyal na pahayag si VP Duterte ukol sa panawagan ni Mayor Baste na mag-resign na si Marcos bilang pangulo.