Romualdez, pumalag sa banat ni Baste kay PBBM: ‘Masipag ang presidente’

By MJ Salcedo

January 29, 2024

In BALITA

Pinalagan ni House Speaker Martin Romualdez ang naging banat ni Davao City Mayor Sebastian “Baste” Duterte na “tamad” si Pangulong Ferdinand “Bongbong” Marcos Jr.

Sa naganap na pagpupulong kasama ang House party leaders nitong Linggo ng gabi, Enero 28, iginiit ni Romualdez na nagtatrabaho umano nang maayos si Marcos bilang punong ehekutibo ng bansa.

“Igalang na lang natin ang ating presidente na nagtatrabaho nang maigi,” ani Romualdez.

“Masipag siya at talagang tinatrabaho niya ‘yung magandang buhay para sa mga Pilipino,” saad pa niya.

Matatandaang nauna nang iginiit ni Mayor Baste nitong Linggo na tamad si Marcos at kulang daw ito sa “compassion” bilang pangulo.

MAKI-BALITA: Mayor Duterte kay PBBM: ‘You are lazy and you lack compassion’

Hinamon din ng alkalde si Marcos na magbitiw na sa puwesto bilang punong ehekutibo kung wala raw itong pag-ibig para sa bansa.

MAKI-BALITA: Davao City Mayor Duterte, pinagre-resign si PBBM

Matapos rebelasyon ni Garma: Ex-Pres. Duterte, dapat nang kasuhan – Rep. Castro

Iginiit ni ACT Teachers Party-list Rep. France Castro na dapat na umanong sampahan ng kaso si dating Pangulong Rodrigo Duterte matapos ang naging rebelasyon ni retired police colonel Royina Garma na iniutos umano nito ang pag-aalok ng reward para sa drug war killings ng kaniyang administrasyon sa bansa.Sa isinagawang pagdinig ng House quad committee nitong Biyernes, Oktubre 11, sinabi ni Garma na...

Bam Aquino, hangad hustisya para sa mga biktima ng EJK: ‘Dinadamayan natin sila’

Nagpahayag ng pagdamay si dating Senador Bam Aquino para sa mga nabiktima ng extrajudicial killings (EJK) sa bansa nitong Sabado, Oktubre 12, isang araw matapos ipahayag ni retired police colonel Royina Garma na iniutos umano ni dating Pangulong Rodrigo Duterte ang pag-aalok ng reward para sa drug war killings ng administrasyon nito.Sa isang pahayag, iginiit ni Aquino na isang madilim na bahagi ng...

Sen. Go, ibinahagi pakikipagkita nila ni Ex-Pres. Duterte kay INC leader Manalo

Ibinahagi ni Senador Bong Go ang naging pagbisita nila ni dating Pangulong Rodrigo Duterte sa Central Office ng Iglesia Ni Cristo (INC) upang makipagkita kay sa executive minister nitong si Eduardo Manalo.Sa kaniyang Facebook post nitong Sabado, Oktubre 12, nagbahagi si Go ng ilang mga larawan kung saan kasama nila ni Duterte si Manalo.Ayon kay Go, nangyari ang kanilang pagbisita sa INC noong...