"Kung nakikinig siya sa mga marites o kung sinong senadora diyan, it's up to her.”
Ito ang binigyang-diin ni House Speaker Martin Romualdez matapos niyang itangging hindi niya inatake si Vice President Sara Duterte.
Sa isang press briefing nitong Biyernes, Enero 26, iginiit ni Romualdez na wala siyang kahit na sinong inaatakeng kaalyado ng kasalukuyang administrasyon.
“On my part I have not attacked any ally of this administration,” ani Romualdez.
Speaker Romualdez kay VP Sara: ‘Sa totoo lang, nami-miss ko siya’
Sinabi rin ng House Speaker na nirerespeto ni si Duterte bilang kaniyang bise presidente at kalihim ng Department of Education (DepEd).
“I respect the vice president. As my vice president, as my secretary of education, she has my full support. I don’t know what I have said or done to attack her. Please identify those actuation,” saad ni Romualdez.
Samantala, sinabi rin ni Romualdez na nami-miss na raw niyang makasama at makatrabaho si Duterte.
Matatandaang sinabi ni Duterte kamakailan na katulad daw ng sinabi ni Senador Imee Marcos, hindi raw nila maintindihan kung bakit inaatake raw ni Romualdez ang mga kaalyado ng administrasyon.
“The very best description and comment kung ano ang relasyon namin ni Speaker Martin Romualdez is galing kay Senator Imee Marcos. Marami ang hindi nakakaintindi kung bakit inaatake mo ang kaalyado ng administrasyon,” ani Duterte.
Ito ay matapos sabihin ni Senador Marcos kamakailan na masama raw ang loob ni Romualdez sa kaniya mula noong idineklara niya ang kaniyang sarili bilang “pro-Duterte” at nais niyang isalba ang UniTeam.
“Bakit tayo nakikipag-away? Hindi naman [sila] nakikipag-away. Ang tapang-tapang nga ng mga Duterte, pero hindi naman tayo tinatapangan. Talagang mababait sa ‘tin. Ano bang problema?” ani Sen. Marcos kamakailan, bagay na pinaslamatan naman ni Duterte sa isang pahayag.
Si Romualdez ang isa sa dalawang campaign managers ni Duterte nang tumakbo ito binag bise presidente noong 2022 national elections.
