Jinggoy, gagawin daw lahat ng ‘legal options’ para sa kaniyang kasong bribery-Balita

Ipinahayag ni Senador Jinggoy Ejercito Estrada nitong Biyernes, Enero 19, na gagawin nila ang lahat ng “legal options” para sa kaniyang kaso matapos siyang hatulan ng Sandiganbayan na “guilty” sa direct at indirect bribery.

Matatandaang idineklara ng Sandiganbayan Fifth Division ang nitong Biyernes na “not guilty” si Estrada sa kasong plunder, ngunit “guilty” naman umano sa kasong direct at indirect bribery kaugnay ng umano’y pork barrel fund scam.

Base sa desisyon ng Sandiganbayan Fifth Division na inilabas nitong Biyernes, Enero 19, inosente umano si Estrada sa kasong plunder kaugnay ng ₱10 billion Priority Development Assistance Fund (PDAF) scam na iniugnay kay Janet Lim Napoles.

Gayunman, lumabas umanong “guilty” ang senador sa one count ng direct bribery at 2 counts ng indirect bribery matapos siyang akusahang nagbulsa umano ng ₱183 million in kickbacks mula sa mga pekeng proyekto.

Sinintensyahan si Estrada ng walo hanggang siyam na taong pagkakakulong para sa direct bribery at dalawa hanggang tatlong taon para naman sa indirect bribery.

Samantala, sa panayam ng mga mamamahayag kay Estrada matapos ibigay ng Sandiganbayan ang naturang desisyon sa Priority Development Assistance Fund (PDAF) scam, sinabi ng senador na nagulat siya sa naturang hatol dahil wala umanong kasong bribery o indirect bribery na isinampa laban sa kaniya.

“We will file the necessary motion for reconsideration before the Sandiganbayan. And yes, I will instruct all my lawyers, again, to exhaust all legal options, all legal remedies,” ani Estrada.

Inihayag din ng senador na naniniwala pa rin daw siya sa “justice system” ng bansa.

“Nothing is final, okay? That is appealable,” saad ni Estrada.

“This is a vindication of my name, and I am emerging victorious at this point. But to the conviction of direct and indirect bribery, I am not a lawyer, I have not read the decision but I am so surprised since based on the information sheet there was no direct or indirect bribery filed in the information sheet, it was only the case of plunder.”

“I’ve already been acquitted, exonerated of plunder. And I will ask my lawyers to exhaust all legal remedies, all legal options available for me. But still I believe in our justice system,” dagdag pa niya.

https://balita.net.ph/2024/01/19/jv-ejercito-sa-kinahaharap-ni-jinggoy-estrada-i-wish-him-well/

Ilang bahagi ng bansa, uulanin dahil sa shear line, easterlies

Inaasahang makararanas ng mga pag-ulan ang ilang bahagi ng bansa ngayong Linggo, Oktubre 13, dahil sa epekto ng shear line at easterlies, ayon sa Philippine Atmospheric, Geophysical and Astronomical Services Administration (PAGASA).Sa tala ng PAGASA dakong 4:00 ng umaga, malaki ang tsansang magdudulot ang shear line, o ang salubungan ng mainit at malamig na hangin, ng mataas na tsansa ng maulap na...

Matapos rebelasyon ni Garma: Ex-Pres. Duterte, dapat nang kasuhan – Rep. Castro

Iginiit ni ACT Teachers Party-list Rep. France Castro na dapat na umanong sampahan ng kaso si dating Pangulong Rodrigo Duterte matapos ang naging rebelasyon ni retired police colonel Royina Garma na iniutos umano nito ang pag-aalok ng reward para sa drug war killings ng kaniyang administrasyon sa bansa.Sa isinagawang pagdinig ng House quad committee nitong Biyernes, Oktubre 11, sinabi ni Garma na...

Bam Aquino, hangad hustisya para sa mga biktima ng EJK: ‘Dinadamayan natin sila’

Nagpahayag ng pagdamay si dating Senador Bam Aquino para sa mga nabiktima ng extrajudicial killings (EJK) sa bansa nitong Sabado, Oktubre 12, isang araw matapos ipahayag ni retired police colonel Royina Garma na iniutos umano ni dating Pangulong Rodrigo Duterte ang pag-aalok ng reward para sa drug war killings ng administrasyon nito.Sa isang pahayag, iginiit ni Aquino na isang madilim na bahagi ng...